Click it and Unblock the Notifications
ഇന്ത്യയിലെ ആദ്യ ഇലക്ട്രിക് ട്രാക്ടര് അവതരിപ്പിച്ച് സോനാലിക; വില 5.99 ലക്ഷം രൂപ
ട്രാക്ടര് നിര്മ്മാതാക്കളായ സോനാലിക ഇന്ത്യയിലെ ആദ്യത്തെ ഫീല്ഡ് റെഡി ഇലക്ട്രിക് ട്രാക്ടര് അവതരിപ്പിച്ചു. ടൈഗര് ഇലക്ട്രിക് എന്ന് പേരിട്ടിരിക്കുന്ന മോഡലിന് 5.99 ലക്ഷം രൂപയാണ് എക്സ്ഷോറൂം വില.
ട്രാക്ടര് യൂറോപ്പില് രൂപകല്പ്പന ചെയ്യുകയും രാജ്യത്ത് വികസിപ്പിക്കുകയും ചെയ്തുവെന്നാണ് കമ്പനി അറിയിച്ചിരിക്കുന്നത്. അത്യാധുനിക IP67 സവിശേഷതകളോടുകൂടിയ 25.5 കിലോവാട്ട് പ്രകൃതിദത്ത കൂളിംഗ് കോംപാക്ട് ബാറ്ററിയാണ് ടൈഗര് ഇലക്ട്രിക്കിന്റെ കരുത്ത്.
പരമ്പരാഗതമായി ഉപയോഗിക്കുന്ന ഡീസലുമായി താരതമ്യപ്പെടുത്തുമ്പോള് പ്രവര്ത്തന ചെലവിന്റെ നാലിലൊന്ന് മാത്രമേ ആവുകയുള്ളുവെന്നും കമ്പനി അവകാശപ്പെടുന്നു. ടൈഗര് ഇലക്ട്രിക് ട്രാക്ടര് 10 മണിക്കൂറിനുള്ളില് ഒരു സാധാരണ ഹോം ചാര്ജിംഗ് പോയിന്റ് ഉപയോഗിച്ച് പൂര്ണ്ണമായും ചാര്ജ് ചെയ്യാന് കഴിയും.
ജര്മ്മന് ഡിസൈന് മോട്ടോര് എല്ലായ്പ്പോഴും 100 ശതമാനം ടോര്ക്ക് ലഭ്യത ഉറപ്പാക്കുന്നു. ഇതിനായുള്ള ബുക്കിംഗ് കമ്പനി രാജ്യത്തുടനീളം ആരംഭിച്ചു.
വരും നാളുകളില് ഹരിതവല്ക്കരണത്തിലേക്കുള്ള ഇന്ത്യയുടെ യാത്ര ത്വരിതപ്പെടുത്താനും 2030-ഓടെ ഇവികള് അവതരിപ്പിക്കാനുള്ള ഇന്ത്യാ ഗവണ്മെന്റിന്റെ അഭിലാഷ നീക്കത്തിന് അനുസൃതമായി തുടരാനുമുള്ള ഞങ്ങളുടെ പ്രതിജ്ഞാബദ്ധതയാണ് സോനാലികയുടെ ഫീല്ഡ് റെഡി ടൈഗര് ഇലക്ട്രിക് ട്രാക്ടര് എന്ന് സോണാലിക ഗ്രൂപ്പ് എക്സിക്യൂട്ടീവ് ഡയറക്ടര് രാമന് മിത്തല് പറഞ്ഞു.
MOST READ: മൂടിക്കെട്ടലുകള് ഇല്ലാതെ ടൊയോട്ട ഫോര്ച്യൂണര് ലെജന്ഡര്; അവതരണം ഉടന്
എഞ്ചിനില് നിന്ന് ചൂട് കൈമാറ്റം ചെയ്യപ്പെടാത്തതിനാല് കുറഞ്ഞ ഭാഗങ്ങള് ട്രാക്ടര് കുറച്ച വൈബ്രേഷന് വാഗ്ദാനം ചെയ്യുന്നുവെന്ന് ഉറപ്പുവരുത്തുന്നതിലൂടെ ടൈഗര് ഇലക്ട്രിക് കര്ഷകര്ക്ക് മികച്ച ആശ്വാസം നല്കുന്നുവെന്നും കമ്പനി അവകാശപ്പെടുന്നു.
ഇതുവഴി ഉത്പന്നങ്ങളുടെ പ്രവര്ത്തനരഹിതവും പരിപാലനച്ചെലവും കുറയുമെന്നും കമ്പനി പറയുന്നു. 2 ടണ് ട്രോളി ഉപയോഗിച്ച് പ്രവര്ത്തിക്കുമ്പോള് ടൈഗര് ഇലക്ട്രിക് 24.93 കിലോമീറ്റര് വേഗതയും 8 മണിക്കൂര് ബാറ്ററി ബാക്കപ്പും വാഗ്ദാനം ചെയ്യുന്നു.
MOST READ: ജനുവരി മുതൽ മാഗ്നൈറ്റിന് വില കൂടും; പ്രാരംഭ വില ഇനി 5.54 ലക്ഷം രൂപ
ഒരു ഓപ്ഷനായി, ടൈഗര് ഇലക്ട്രിക്ക് കേവലം 4 മണിക്കൂറിനുള്ളില് ചാര്ജ് ചെയ്യാവുന്ന അതിവേഗ ചാര്ജിംഗ് സംവിധാനവും കമ്പനി വാഗ്ദാനം ചെയ്യുന്നു.
സോനാലികയുടെ പഞ്ചാബിലെ ഹോഷിയാര്പൂര് ട്രാക്ടര് നിര്മ്മാണ പ്ലാന്റിലാണ് ടൈഗര് ഇലക്ട്രിക് നിര്മ്മിക്കുന്നത്. റോബോട്ടിക്സും ഓട്ടോമേഷനും ഉപയോഗിച്ച് പ്രവര്ത്തിക്കുന്ന ഈ പ്ലാന്റ് ഓരോ 2 മിനിറ്റിലും ഒരു പുതിയ ട്രാക്ടര് പുറത്തിറക്കുന്നു.
MOST READ: ടൈഗൺ എസ്യുവിയുടെ അരങ്ങേറ്റം ഉടൻ; പ്രൊമോ വീഡിയോയുമായി ഫോക്സ്വാഗൺ
2020 നവംബറോടെ വ്യാവസായിക വളര്ച്ചയില് സോനാലിക ട്രാക്ടേഴ്സ് മുന്നിലാണ്. കഴിഞ്ഞ മാസത്തില് കമ്പനി 71 ശതമാനം വളര്ച്ച നേടി 11,478 യൂണിറ്റാണ് വില്പ്പന നടത്തിയത്. കസ്റ്റമൈസ്ഡ് ട്രാക്ടറുകളും ഉത്പാദനക്ഷമത വര്ദ്ധിപ്പിക്കുന്നതിന് കര്ഷകനെ സഹായിക്കുന്ന ഉപകരണങ്ങളും കമ്പനി വാഗ്ദാനം ചെയ്യുന്നു, ഇത് കമ്പനിയുടെ ഉത്പ്പന്നങ്ങളെ രാജ്യത്തെ കര്ഷകര്ക്കുള്ള ആദ്യത്തെ ചോയിസാക്കി മാറ്റുന്നു.
Continue with Google