Just In
- 4 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 5 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 5 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 5 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Movies 'വര്ഷങ്ങള്ക്ക് ശേഷം മഞ്ഞുമ്മലിനേക്കാള് നല്ല സിനിമ', വിശാഖ് ചോദിച്ചത് 15 കോടി; തമിഴ് നിര്മാതാവ്
- Sports IPL 2024: അഭിഷേക് 218, കോലി 145! ലോകകപ്പ് ടീമില് ഇവരില് ആരെ വേണം?
- Lifestyle ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി
- News ഇന്ദിരയുടെ സ്വത്തുക്കള് നഷ്ടമാവാതിരിക്കാന് രാജീവ് ആ നിയമം ഇല്ലാതാക്കി; പുതിയ ആരോപണവുമായി മോദി
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നെക്സോണ് ഇവിയുടെ സബ്സ്ക്രിപ്ഷന് പ്ലാനുകളില് വീണ്ടും ഇളവുകളുമായി ടാറ്റ
ഈ വര്ഷത്തിന്റെ തുടക്കത്തിലാണ് ടാറ്റ മോട്ടോര്സ് നെക്സോണ് ഇലക്ട്രിക്കിനെ അവതരിപ്പിക്കുന്നത്. ഏകദേശം 10 മാസത്തിനുള്ളില് മോഡലിന്റെ 2,000 യൂണിറ്റ് വരെ മാന്യമായ വില്പ്പന നേടാനും വാഹനത്തിന് സാധിച്ചു.
ടാറ്റ പുറത്തുവിട്ട കണക്കനുസരിച്ച്, നെക്സണ് ഇവി വില്പ്പന നിലവില് 2,200 യൂണിറ്റാണ്. സെപ്റ്റംബര് മുതല് നവംബര് വരെയുള്ള അവസാന മൂന്ന് മാസങ്ങളില് 1,000 യൂണിറ്റുകള് വിറ്റു. അടുത്തിടെ വാഹനത്തിന് സബ്സ്ക്രിപ്ഷന് പദ്ധതിയും നിര്മ്മാതാക്കള് അവതരിപ്പിച്ചിരുന്നു.
36 മാസത്തേക്ക് വാഹനം ലീസിന് എടുക്കുന്നവര്ക്ക് നികുതികള് ഉള്പ്പെടെയുള്ള മാസവാടക നിരക്ക് 41,900 രൂപ, 24 മാസത്തേക്ക് 44,900 രൂപ, 18 മാസത്തേക്ക് 47,900 രൂപ എന്നിങ്ങനെയായിരുന്നു നിരക്കുകള്.
MOST READ: ഫോര്ഡ് ഫ്രീസ്റ്റൈലിന് ആവശ്യക്കാര് ഏറുന്നു; നവംബറില് വില്പ്പനയില് വന് വര്ധനവ്
എന്നാല് ഇടക്കാലത്ത് ഈ തുകകളില് നിര്മ്മാതാക്കള് ഇളവ് പ്രഖ്യാപിച്ചിരിക്കുകയും ചെയ്തു. 7,000 രൂപ വരെ കുറച്ചതായി കമ്പനി അറിയിച്ചു. ഇതോടെ 41,900 രൂപയില് നിന്നും 34,900 രൂപയ്ക്ക് വാഹനം സ്വന്തമാക്കാന് സാധിക്കും.
എന്നാല് ഇപ്പോഴിതാ ആ വിലയില് വീണ്ടും ഇളവ് പ്രഖ്യാപിച്ചിരിക്കുകയാണ് ടാറ്റ. 36 മാസത്തേയ്ക്ക് 29,500 രൂപയായിട്ടാണ് കുറച്ചിരിക്കുന്നത്. 24 മാസത്തേയ്ക്ക് 31,600 രൂപയും 12 മാസത്തേയ്ക്ക് 34,500 രൂപയുമാണ് പുതിയ തുക. എന്നാല് ഡല്ഹിയിലെ ഉപഭോക്താക്കള്ക്ക് മാത്രമാകും ഈ തുകയില് വാഹനം ലഭിക്കുക.
MOST READ: ഡിയോ റിപ്സോൾ എഡിഷന്റെ പുതിയ TVC പങ്കുവെച്ച് ഹോണ്ട
സബ്സ്ക്രിപ്ഷന്റെ നിരക്കുകള് നഗരമനുസരിച്ച് വ്യത്യാസപ്പെട്ടിരിക്കുന്നു. ബെംഗളൂരുവിലും ഹൈദരാബാദിലും യഥാക്രമം 36, 24, 12 മാസ പദ്ധതികള് യഥാക്രമം 34,700 രൂപ, 37,200 രൂപ, 40,400 രൂപ എന്നിങ്ങനെയാണ്. മുംബൈ, പൂനെ എന്നിവിടങ്ങളില് യഥാക്രമം 36,700, 33,700, 31,400 രൂപ എന്നിങ്ങനെയാണ് നിരക്ക്.
ഉപഭോക്താക്കള്ക്ക് അവരുടെ സൗകര്യത്തിനനുസരിച്ച് 36,24 അല്ലെങ്കില് 12 മാസത്തെ പ്ലാനുകളില് നിന്ന് തെരഞ്ഞെടുക്കാം. കുറച്ച സബ്സ്ക്രിപ്ഷന് വില ഒരു പരിമിത കാലയളവ് ഓഫറാണ്.
MOST READ: 3.06 ലക്ഷം രൂപ വരെ ആനുകൂല്യങ്ങൾ; ഇയർ എൻഡ് ഓഫറുമായി മഹീന്ദ്ര
ലീസിങ് കമ്പനിയായ ഒറിക്സ് ഓട്ടോ ഇന്ഫ്രാസ്ട്രക്ചറുമായി ചേര്ന്നാണ് ടാറ്റ പുതിയ പദ്ധതി നടപ്പിലാക്കുക. വാഹന രജിസ്ട്രേഷന്, റോഡ് നികുതി തുടങ്ങിയ ബുദ്ധിമുട്ടുകളില്ലാതെ ഈ പദ്ധതിയിലൂടെ ടാറ്റ നെക്സോണ് ഇവി സബ്സ്ക്രൈബ് ചെയ്യാന് സാധിക്കും.
സബ്സ്ക്രൈബ് ചെയ്യുന്ന വാഹനങ്ങള്ക്കുള്ള ഇന്ഷുറന്സ് പരിരക്ഷ, റോഡ് സൈഡ് അസിസ്റ്റന്സ്, വാഹനത്തിന്റെ സര്വീസ് ഉള്പ്പെടെയുള്ള സേവനങ്ങള് നിര്മ്മാതാക്കള് നല്കും.
MOST READ: അമ്മയേയും അച്ഛനേയും കാണണം; 547 കിലോമീറ്റർ സൈക്കിൾ ചവിട്ടി മലയാളി
ഇതിനുപുറമെ, ഉപയോക്താക്കള്ക്ക് അവരുടെ വീട്ടിലോ ഓഫീസിലോ സ്വന്തമായി വാഹന ചാര്ജിംഗ് യൂണിറ്റ് ഇന്സ്റ്റാള് ചെയ്യാനും സാധിക്കുമെന്ന് കമ്പനി വക്താവ് അറിയിച്ചു. തുടക്കത്തില് തെരഞ്ഞെടുത്ത നഗരങ്ങളിലാണ് സബ്സ്ക്രിപ്ഷന് പദ്ധതി നടപ്പാക്കുന്നത്.
കേരളത്തിലും ഈ സേവനം അധികം വൈകാതെ ലഭ്യമാകുമെന്നാണ് റിപ്പോര്ട്ട്. സിപ്ട്രോണ് ടെക്നോളജിയുടെ അടിസ്ഥാനത്തില് ടാറ്റ നിരയില് നിന്നും വിപണിയില് എത്തുന്ന ആദ്യ ഇലക്ട്രിക്ക് വാഹനമാണ് നെക്സോണ്. 13.99 ലക്ഷം രൂപ മുതല് 15.99 ലക്ഷം രൂപ വരെയാണ് വാഹനത്തിന്റെ എക്സ്ഷോറൂം വില.