Click it and Unblock the Notifications
പരീക്ഷണയോട്ടം നടത്തി ഹ്യുണ്ടായി i20 N-ലൈന്; കൂടുതല് വിവരങ്ങള് ഇതാ
ഒരു ദശകത്തിലേറെയായി നമ്മുടെ രാജ്യത്തെ ഏറ്റവും ജനപ്രിയമായ പ്രീമിയം ഹാച്ച്ബാക്കുകളിലൊന്നാണ് ഹ്യുണ്ടായി i20. കഴിഞ്ഞ വര്ഷം അവസാനം വാഹനത്തിന് ഒരു പുതുതലമുറ അപ്ഡേറ്റ് ലഭിക്കുകയും ചെയ്തു.
പുതുതലമുറ പതിപ്പിന് മികച്ച സ്വീകാര്യതയാണ് വാഹനത്തിന് വിപണിയില് ലഭിച്ചുകൊണ്ടിരിക്കുന്നതും. പുതിയ i20 കൂടുതല് കരുത്തുറ്റ 1.0 ലിറ്റര് GDi ടര്ബോ പെട്രോള് എഞ്ചിന് നേടുന്നുവെന്നതും ശ്രദ്ധേയമാണ്.
ഇപ്പോഴിതാ i20 N-ലൈന് ഇന്ത്യയില് അവതരിപ്പിക്കാന് ഹ്യുണ്ടായി പദ്ധതിയിടുന്നുവെന്ന് റിപ്പോര്ട്ടുകള് പുറത്തുവന്നിരുന്നു. പരീക്ഷണയോട്ടം നടത്തുന്ന വാഹനത്തിന്റെ പുതിയ ചിത്രങ്ങള് ഇപ്പോള് പുറത്തുവരുകയും ചെയ്തു. ഹരിയാനയിലെ ഫരീദാബാദില് പരീക്ഷണയോട്ടം നടത്തുന്നതിന്റെ ചിത്രങ്ങളാണ് പുറത്ത് വന്നത്.
ജനപ്രിയ വാഹന നിർമ്മാതാക്കളായ മെര്സിഡീസ്, ബിഎംഡബ്ല്യു, ഫോക്സ്വാഗണ് എന്നിവയുമായി യോജിക്കുന്നതാണ് ഹ്യുണ്ടായിയുടെ N ഡിവിഷന്. N-ലൈന് മോഡലുകള് ഒരു സ്പോര്ട്ടി പവര്ട്രെയിനും അതിന്റെ ബാഹ്യ, ഇന്റീരിയര് സ്റ്റൈലിംഗിലേക്ക് മിനിറ്റ് ട്വീക്കുകളും നല്കുന്നു, സസ്പെന്ഷന് സജ്ജീകരണത്തില് ചെറിയ മാറ്റങ്ങള് കൂടാതെ സ്പോര്ട്ടി അപ്പീല് വര്ദ്ധിപ്പിക്കുന്നു.
പൂര്ണമായും മറച്ച രീതിയിലാണ് വാഹനത്തിന്റെ പരീക്ഷണയോട്ടം. എന്നിരുന്നാലും സാധാരണ i20-യില് നിന്നും വലിയ വ്യത്യാസങ്ങളൊന്നും കണ്ടെത്താന് കഴിയില്ല. പിന്നിലെ ഡ്യുവല്-ടിപ്പ് എക്സ്ഹോസ്റ്റാണ് ശ്രദ്ധേയമായ വ്യത്യാസം.
MOST READ: ടെസ്ലയുടെ ഇവി കിരീടത്തിന് വെല്ലുവിളിയായി വുലിംഗ് ഹോംഗ് ഗുവാങ് മിനി ഇവി
ഇന്ത്യയില് വരാനിരിക്കുന്ന i20 N-ലൈന് അതിന്റെ യൂറോപ്യന് മോഡലിന് അനുസൃതമായിരിക്കുമെന്ന് പ്രതീക്ഷിക്കുന്നു. ഇതിനര്ത്ഥം ഇതിന്റെ എക്സ്റ്റീരിയര് സ്റ്റൈലിംഗില് ആക്രമണാത്മക ഫ്രണ്ട്, റിയര് ബമ്പറുകള്, ബ്ലാക്ക് ഔട്ട് സൈഡ് സ്കോര്ട്ടുകള്, ഡ്യുവല്-ടോണ് 17 ഇഞ്ച് അലോയ് വീലുകള്, ഫ്രണ്ട് ഗ്രില്ലില് N-ലൈന് ബ്രാന്ഡിംഗ്, ബ്ലാക്ക് ഔട്ട് പില്ലറുകള് എന്നിവ ഉള്പ്പെടും.
അറോറ ഗ്രേ, ബ്രാസ്, ഫാന്റം ബ്ലാക്ക്, പോളാര് വൈറ്റ് എന്നീ നാല് എക്സ്റ്റീരിയര് കളര് ഓപ്ഷനുകളിലാണ് i20 N-ലൈന് വാഗ്ദാനം ചെയ്യുന്നത്. അവസാനത്തെ ഓപ്ഷനും വിപരീതമായി കറുത്ത റൂഫും ഇടംപിടിക്കുന്നു.
MOST READ: ഇന്ത്യൻ ആർമിയുടെ പുതിയ കളിപ്പാട്ടം; കല്യാണി M4 -നെ പരിചയപ്പെടാം
ക്യാബിനകത്തും, സ്വയം വേര്തിരിച്ചറിയാന് അതിന്റെ പതിവ് മോഡലില് നിന്ന് ശ്രദ്ധേയമായ വകഭേദങ്ങള് കാണുമെന്ന് പ്രതീക്ഷിക്കുന്നു. മുന്നില് സ്പോര്ടി ബക്കറ്റ് സീറ്റുകള്, N-ബ്രാന്ഡഡ് അപ്ഹോള്സ്റ്ററി, N-ബ്രാന്ഡഡ് മള്ട്ടി-ഫങ്ഷണല് സ്റ്റിയറിംഗ് വീല്, മെറ്റല് പെഡലുകള്, ലെതര് പൊതിഞ്ഞ ഗിയര് നോബ് എന്നിവ ഇതില് ഉള്പ്പെടുന്നു.
വാതില് പാഡുകളില് ചുവന്ന ആക്സന്റുകളും സീറ്റുകളില് കോണ്ട്രാസ്റ്റ് റെഡ് സ്റ്റിച്ചിംഗും പോലുള്ള സവിശേഷതകളും ക്യാബിന് ലഭിക്കുന്നു. സ്റ്റാന്ഡേര്ഡ് i20-യുടെ ടോപ്പ്-സ്പെക്ക് ട്രിമില് നിന്ന് കാറിലെ ഫീച്ചറുകള് മുന്നോട്ട് കൊണ്ടുപോകും.
MOST READ: കാറിന്റെ ബൂട്ട് തുറക്കാനുള്ള വിവിധ വഴികൾ
അന്താരാഷ്ട്ര തലത്തില്, i20 N-ലൈന് 1.2 ലിറ്റര് MPI നാച്ചുറലി ആസ്പിറേറ്റഡ് പെട്രോള് എഞ്ചിനും 1.0 ലിറ്റര് ടര്ബോ പെട്രോള് യൂണിറ്റും ലഭ്യമാണ്. എന്നിരുന്നാലും, ഇന്ത്യ-സ്പെക്ക് മോഡലില് ഈ യൂണിറ്റ് 120 bhp കരുത്തും 172 Nm torque ഉം ഉത്പാദിപ്പിക്കും.
6 സ്പീഡ് മാനുവല് ഗിയര്ബോക്സുമായി മാത്രമായിട്ടാകും എഞ്ചിന് ജോടിയാക്കുക. നേരത്തെ സൂചിപ്പിച്ചതുപോലെ, അതിന്റെ സസ്പെന്ഷന് സജ്ജീകരണം ഒരു സ്പോര്ട്ടിയര് സവാരിക്ക് അനുസൃതമായിട്ട് ട്യൂണ് ചെയ്യും.
ഇന്ത്യയില് i20 N-ലൈന് പുറത്തിറക്കുന്നതുമായി ബന്ധപ്പെട്ട് ഹ്യുണ്ടായിയില് നിന്ന് ഔദ്യോഗിക അറിയിപ്പുകളൊന്നും വന്നിട്ടില്ല, എന്നാല് ഈ വര്ഷം അവസാനത്തോടെ ഇത് ഷോറൂമുകളില് എത്തുമെന്ന് പ്രതീക്ഷിക്കുന്നു.
Source: Rushlane
Continue with Google