F-പേസ് ഫെയ്‌സ്‌ലിഫ്റ്റും ഇന്ത്യയിലേക്ക്, ബുക്കിംഗ് ആരംഭിച്ച് ജാഗ്വർ, ഡെലിവറി അടുത്ത മാസത്തോടെ

F-പേസ് എന്ന ആഢംബര എസ്‌യുവിയെ അവതരിപ്പിക്കുന്നതിനു മുന്നോടിയായി മോഡലുനായുള്ള ബുക്കിംഗ് ആരംഭിച്ചിരിക്കുകയാണ് കമ്പനി. അകത്തും പുറത്തും നിരവധി മാറ്റങ്ങളും പരിഷ്ക്കാരങ്ങളുമായാണ് വാഹനം നിരത്തിലേക്ക് എത്താൻ ഒരുങ്ങിയിരിക്കുന്നത്.

ഉപഭോക്താക്കളെ ആകർഷിക്കുന്നതിനായി പെട്രോളിലും ഡീസൽ എഞ്ചിൻ ഓപ്ഷനുകളിലും ഇത് തുടർന്നും നൽകുമെന്നതാണ് ഏറെ ശ്രദ്ധേയം. കൂടാതെ ഇന്ത്യയിൽ ആദ്യമായി ആർ-ഡൈനാമിക് S വേരിയന്റിലും F-പേസ് വാഗ്‌ദാനം ചെയ്യും.

MOST READ: പുത്തൻ ഒക്‌ടാവിയയുടെ നിർമാണം ആരംഭിച്ച് സ്കോഡ, വിപണിയിലേക്ക് ഈ മാസം തന്നെ

വാഹനത്തിനായുള്ള ഡെലിവറി മെയ് മാസത്തോടെ ആരംഭിക്കുമെന്നും ബ്രാൻഡ് വ്യക്തമാക്കിയിട്ടുണ്ട്. നാല് സിലിണ്ടർ പെട്രോൾ എഞ്ചിൻ ഓഫർ ചെയ്യുമെങ്കിലും പുതുതലമുറ 2 ലിറ്റർ, നാല് സിലിണ്ടർ ടർബോചാർജ്ഡ് ഇൻജീനിയം ഡീസൽ എഞ്ചിനാകും കൂടുതൽ വിൽപ്പന ശ്രദ്ധ നേടാൻ സാധ്യതയുള്ളത്.

നിലവിലുള്ള മോഡൽ പോലെ 2021 ജാഗ്വർ F-പേസ് പ്രാദേശികമായി കൂടിചേരും. ഡയമണ്ട് മെഷ് പാറ്റേൺ, പുതുതായി രൂപകൽപ്പന ചെയ്ത ബമ്പറുകൾ, ഗ്രിൽ വരെ നീളുന്ന പുതിയ മസ്കുലർ ബോണറ്റ് ഘടന എന്നിവ ഉപയോഗിച്ച് പുതുക്കിയ മുൻവശം ജാഗ്വർ F-പേസിനെ കൂടുതൽ ആകർഷണീയമാക്കും.

MOST READ: സോനെറ്റിന്റെ ഏഴ് സീറ്റർ പതിപ്പ് ഏപ്രിൽ എട്ടിന് അവതരിപ്പിക്കും, ടീസറുമായി കിയ

അതോടൊപ്പം ഫ്രണ്ട് ഫെൻഡർ വെന്റുകളിൽ ലീപ്പർ ചിഹ്നങ്ങൾ, ഷാർപ്പ് എൽഇഡി ടെയിൽ ലാമ്പുകൾ, പുതുക്കിയ എൽ ആകൃതിയിലുള്ള ഇരട്ട എൽഇഡി ലൈറ്റിംഗ് സിഗ്നേച്ചർ തുടങ്ങിയവയും എസ്‌യുവിയുടെ പ്രത്യേകതകളാകും.

ലെതർ ട്രിമ്മുകൾക്കൊപ്പം ഡാഷ്‌ബോർഡ് പുതുമയുള്ളതിനാൽ ഫെയ്‌സ്‌ലിഫ്റ്റ് ജാഗ്വർ F-പേസിന് ഏറ്റവും പുതിയ അപ്‌ഡേറ്റുകൾ ലഭിക്കുന്നു. ഏറ്റവും പുതിയ പിവി പ്രോ ടെക് വാഗ്ദാനം ചെയ്യുന്ന പുതിയ 11.4 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റത്തിന്റെ സാന്നിധ്യം വളരെ ശ്രദ്ധേയമാണ്.

MOST READ: നെക്‌സ ശ്രേണിയിലും ഗംഭീര ഓഫറുകളുമായി മാരുതി സുസുക്കി, അറിയാം കൂടുതൽ

അതിൽ ഒടിആർ അപ്‌ഡേറ്റുകൾ, ഓട്ടോ എസിക്ക് പുതിയ നിയന്ത്രണങ്ങൾ, പുതിയ ഹെഡ്‌റെസ്റ്റുകളിൽ പോലും ജാഗ്വർ ചിഹ്നവും പുതിയ ഇന്റീരിയർ ട്രിമ്മിംഗുകളും ഉപയോഗിച്ച് എംബോസുചെയ്‌തിട്ടുണ്ട്.

അടുത്തിടെ പുറത്തിറക്കിയ I-പേസിൽ നിന്നും കടമെടുത്ത പുതിയ ഗിയർ സെലക്ടർ, മെച്ചപ്പെട്ട സ്റ്റോറേജ് സ്പേസ്, വയർലെസ് ഫോൺ ചാർജിംഗ്, ക്യാബിൻ എയർ അയോണൈസർ, പുതിയ സ്റ്റിയറിംഗ് വീൽ എന്നിവയും എസ്‌യുവിയുടെ അകത്തളത്തെ സവിശേഷതകളാണ്.

പുതിയ ജാഗ്വർ F-പേസ് ഫെയ്‌സ്‌ലിഫ്റ്റഡ് പതിപ്പിൽ മികച്ച സവാരി നിലവാരത്തിനായി ചാസിയും സസ്‌പെൻഷനും ബ്രിട്ടീഷ് ആഡംബര കാർ നിർമാതാക്കൾ പരിഷ്ക്കരിച്ചിട്ടുണ്ട്. മെയിൽ ഡെലിവറി ആരംഭിക്കുമെങ്കിലും വാഹനത്തിനായുള്ള വില ഇതുവരെ കമ്പനി പ്രഖ്യാപിച്ചിട്ടില്ല.