Click it and Unblock the Notifications
പുതുവർഷം കെങ്കേമം; 2021 ജനുവരിയിൽ 1.6 ലക്ഷം യൂണിറ്റ് ഉത്പാദനവുമായി മാരുതി
കഴിഞ്ഞ വർഷത്തെ അപേക്ഷിച്ച് വാഹന വിപണി വീണ്ടും വളർച്ചയിലേക്കുള്ള പാതയിലാണ്. പല പ്രമുഖ നിർമ്മാതാക്കളും ഇതിനോടകം തന്നെ മികച്ച വിൽപ്പന കണക്കുകളും ഉത്പാദന സംഖ്യകളുമാണ് കാഴ്ച്ചവെക്കുന്നത്.
മാരുതി സുസുക്കിയും 2021 ജനുവരി മാസത്തിലെ തങ്ങളുടെ ഉത്പാദന കണക്കുകൾ പുറത്തുവിട്ടിരിക്കുകയാണ്.
ഇന്ത്യയിലെ ഏറ്റവും വലിയ കാർ നിർമ്മാതാക്കൾ കഴിഞ്ഞ മാസം മൊത്തം 1,60,975 യൂണിറ്റുകൾ ഉത്പാദിപ്പിച്ചു. ഇതിൽ പാസഞ്ചർ വാഹനങ്ങളും ലൈറ്റ് കൊമേർഷ്യൽ വാഹനങ്ങളും ഉൾപ്പെടുന്നു.
MOST READ: പഴക്കംചെന്ന സർക്കാർ വാഹനങ്ങളുടെ വില്ലൻ; സ്ക്രാപ്പേജ് നയം നടപ്പാക്കി ഗതാഗത മന്ത്രാലയം
ആൾട്ടോ, എസ്-പ്രസ്സോ, വാഗൺആർ, സ്വിഫ്റ്റ്, ഡിസൈർ, ഇഗ്നിസ്, ബലേനോ, സെലെറിയോ, മറ്റ് ഒഇഎം മോഡലുകളും ഉൾപ്പെടുന്ന 1,13,947 മിനി, സബ് കോംപാക്ട് വാഹനങ്ങൾ കമ്പനി നിർമ്മിച്ചു.
കഴിഞ്ഞ വർഷം ഇതേ കാലയളവിലെ റെക്കോർഡുകളുമായി താരതമ്യം ചെയ്യുമ്പോൾ ഈ സംഖ്യ 19 ശതമാനം കുറവാണ്.
മിഡ്-സൈസ് ഓഫറിംഗായ സിയാസ്, ബ്രാൻഡിന്റെ ശക്തമായ മോഡലാണ്, ഇതിന്റെ ഉൽപാദനം 88 ശതമാനം ഉയർന്ന് 1,524 യൂണിറ്റായി മാറി.
യൂട്ടിലിറ്റി വാഹനങ്ങളിലേക്ക് നീങ്ങുമ്പോൾ മാരുതി സുസുക്കി ആഭ്യന്തരമായി ഇക്കോ, എർട്ടിഗ, XL6, എസ്-ക്രോസ്, വിറ്റാര ബ്രെസ, ജിപ്സി (സേനയ്ക്കായി മാത്രം) എന്നിവ വാഗ്ദാനം ചെയ്യുന്നു.
കഴിഞ്ഞ മാസം, കാർ നിർമ്മാതാക്കൾ ജിംനി എസ്യുവിയുടെ അന്താരാഷ്ട്ര വിപണികളിലേക്കുള്ള ഉൽപാദനവും കയറ്റുമതിയും ആരംഭിച്ചിരുന്നു.
ഈ വിഭാഗത്തിൽ 45.5 ശതമാനം വർധനവോടെ മൊത്തം 29,199 യൂണിറ്റാണ് കമ്പനി ഉൽപ്പാദിപ്പിച്ചത്. മൊത്തം പാസഞ്ചർ വാഹനങ്ങളുടെ കണക്ക് 1,56,439 യൂണിറ്റാണ്.
വാണിജ്യ വാഹന രംഗത്തും മാരുതി മികച്ച വളർച്ച കൈവരിച്ചു. 2020 ജനുവരിയിൽ 2,505 യൂണിറ്റുകളിൽ നിന്ന് 4,536 യൂണിറ്റ് സൂപ്പർ ക്യാരി പിക്ക്അപ്പ് കമ്പനി നിർമ്മിച്ചു.
Continue with Google