Click it and Unblock the Notifications
2021 A-ക്ലാസ് ലിമോസിൻ പുറത്തിറക്കി മെർസിഡീസ്; വില 39.90 ലക്ഷം രൂപ
മെർസിഡീസ് ബെൻസ് ഇന്ത്യ A-ക്ലാസ് ലിമോസിൻ വിപണിയിലെത്തിച്ചിരിക്കുകയാണ്. A200 -ന് 39.90 ലക്ഷം രൂപയും A200 d -ക്ക് 40.90 ലക്ഷം രൂപയും പെർഫോമൻസ് സ്പെക്ക് AMG A35 4-മാറ്റിക്കിന് 56.24 ലക്ഷം രൂപയുമാണ് എക്സ്-ഷോറൂം വില.
| A-Class | Price |
| 200 | ₹39.90 Lakhs |
| 200d | ₹40.90 Lakhs |
| AMG A 35 4Matic | ₹56.24 Lakhs |
A-ക്ലാസ് ലിമോസിൻ 2020 ഓട്ടോ എക്സ്പോയിൽ പ്രാദേശിക അരങ്ങേറ്റം നടത്തിയിരുന്നു, കഴിഞ്ഞ വർഷം തന്നെ ഇത് വിപണിയിലെത്തുമെന്ന് പ്രതീക്ഷിച്ചിരുന്നെങ്കിലും ആരോഗ്യ പ്രതിസന്ധിയും വിപണിയുടെ പ്രതികൂല സാഹചര്യങ്ങളും കാരണം ഇത് മാറ്റിവെച്ചു.
2021 മെർസിഡീസ് ബെൻസ് A-ക്ലാസ് ലിമോ ഈ വർഷം ബ്രാൻഡിൽ നിന്നുള്ള പ്രധാന ലോഞ്ചുകളിൽ ഒന്നാണ്, കൂടാതെ നിരവധി പുതിയ ഉൽപ്പന്നങ്ങൾ പൈപ്പ്ലൈനിൽ കാത്തിരിക്കുന്നു.
MOST READ: ടൈഗൂണ് മിഡ്-സൈസ് എസ്യുവിയെ അവതരിപ്പിക്കുന്ന തീയതി പങ്കുവെച്ച് ഫോക്സ്വാഗണ്
2018 -ൽ സെഡാൻ ലോക പ്രീമിയർ നടത്തി, കൂടാതെ GLA -ൽ നിന്ന് ലഭിച്ച ഡിസൈൻ സൂചകങ്ങൾ ഉപയോഗിച്ച് CLA -യുടെ പകരക്കാരനായി ഇത് പ്രവർത്തിക്കുന്നു.
ജർമ്മൻ ആഢംബര കാർ നിർമാതാക്കളിൽ നിന്ന് പ്രാദേശികമായി ഉൽപാദിപ്പിക്കുന്ന രണ്ടാമത്തെ AMG കാറാണ് AMG A35 4-മാറ്റിക് എന്നതും ശ്രദ്ധേയമാണ്.
രൂപകൽപ്പനയെ സംബന്ധിച്ചിടത്തോളം, 2021 മെർസിഡീസ് ബെൻസ് A-ക്ലാസ് ലിമോസിൻ, വിശാലമായ ഹോക്സഗണൽ ഗ്രില്ല്, സ്ട്രെച്ച്ഡ് എൽഇഡി ഹെഡ്ലാമ്പുകൾ, ഇന്റഗ്രേറ്റഡ് L-ആകൃതിയിലുള്ള ഡേടൈം റണ്ണിംഗ് ലൈറ്റുകൾ, മധ്യഭാഗത്ത് ത്രീ പോയിന്റഡ് സ്റ്റാർ, കട്ടിയുള്ള ക്രോം ട്രിം, വൈഡ് സെൻട്രൽ എയർ ഇൻലെറ്റ്, ആംഗുലാർ ഹുഡ് ഘടന, അരികുകളിൽ C ആകൃതിയിലുള്ള ബമ്പർ ഹൗസിംഗുകൾ എന്നിവ ഉപയോഗിക്കുന്നു.
സ്റ്റൈൽ പാക്കേജ് പ്രീമിയം അപ്പീലിന് ആക്കം കൂട്ടുന്ന ബമ്പർ, പില്ലറുകൾ, സൈഡ് സ്കേർട്ടുകൾ എന്നിവയിലേക്ക് കാർബൺ ഫൈബർ ട്രിമ്മുകൾ ചേർക്കുന്നു.
വ്യക്തമായ വ്യത്യാസം നൽകുന്നതിന്, AMG-സ്പെക്ക് പതിപ്പിന് വ്യത്യസ്തമായ ഗ്രില്ല്, കൂടുതൽ ആകർഷകമായ ഫ്രണ്ട്, റിയർ ബമ്പർ, പുതിയ എയർ ഇൻലെറ്റുകൾ, റിയർ ഡിഫ്യൂസർ തുടങ്ങിയവ ലഭിക്കുന്നു.
പ്രകടനത്തെ സംബന്ധിച്ചിടത്തോളം 2021 മെർസിഡീസ് ബെൻസ് A-ക്ലാസ് ലിമോസിൻ A200 -ൽ 1.3 ലിറ്റർ ടർബോ പെട്രോൾ എഞ്ചിനാണ് വരുന്നത്.
MOST READ: വിൽപ്പനിയിൽ മാത്രമല്ല കയറ്റുമതിയിലും കേമനായി സെൽറ്റോസ്; 2020-21 എക്സ്പോർട്ട് കണക്കുകൾ
ഏഴ് സ്പീഡ് ഓട്ടോമാറ്റിക് ഗിയർബോക്സുമായി ജോടിയാക്കിയ എഞ്ചിൻ പരമാവധി 161 bhp കരുത്തും, 250 Nm torque ഉം സൃഷ്ടിക്കുന്നു. A200 d 2.0 ലിറ്റർ ഡീസൽ എഞ്ചിൻ ഉപയോഗിച്ച് 147 bhp കരുത്തും 320 Nm torque ഉം നൽകുന്നു.
എട്ട് സ്പീഡ് ഓട്ടോമാറ്റിക് ട്രാൻസ്മിഷനുമായി ഇത് ബന്ധിപ്പിച്ചിരിക്കുന്നു. ടോപ്പ് എൻഡ് AMG A35 -ന് 2.0 ലിറ്റർ ടർബോ പെട്രോൾ യൂണിറ്റ് ലഭിക്കുന്നു, ഇത് 302 bhp കരുത്തും 400 Nm torque ഉം പമ്പ് ചെയ്യുന്നു.
പുതിയ A-ക്ലാസ് ലിമോയുടെ ഇന്റീരിയറിൽ ഒരു വലിയ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ഓൾ-ഡിജിറ്റൽ ഇൻസ്ട്രുമെന്റ് ക്ലസ്റ്റർ, മെമ്മറി ഫംഗ്ഷനോടുകൂടിയ പവർഡ് ഫ്രണ്ട് സീറ്റുകൾ, ആംബിയന്റ് ലൈറ്റിംഗ്, ഓട്ടോമാറ്റിക് ക്ലൈമറ്റ് കൺട്രോൾ സിസ്റ്റം, ഇലക്ട്രിക് സൺറൂഫ്, വയർലെസ് ചാർജിംഗ് സൗകര്യം എന്നിവ ഉപയോഗിച്ച് ഏറ്റവും പുതിയ MBUX സാങ്കേതികവിദ്യയും നിർമ്മാതാക്കൾ ഒരുക്കുന്നു.
Continue with Google