Click it and Unblock the Notifications
എയർബാഗ് തകരാർ, അർബൻ ക്രൂയിസറിനെ തിരിച്ചുവിളിച്ച് ടൊയോട്ട
അർബൻ ക്രൂയിസർ കോംപാക്ട് എസ്യുവിയെ തിരിച്ചുവിളിച്ച് ജാപ്പനീസ് വാഹന നിർമാതാക്കളായ ടൊയോട്ട. ഡ്രൈവർ സൈഡ് എയർബാഗ് തകരാറിനെ തുടർന്നാണ് കമ്പനിയുടെ ഈ നടപടി.
2020 ജൂലൈ 28-നും 2021 ഫെബ്രുവരി 11-നും ഇടയിൽ നിർമിച്ച 9,498 യൂണിറ്റുകളെയാണ് ഈ പ്രശ്നം ബാധിച്ചിരിക്കുന്നതെന്നാണ് ടൊയോട്ട വ്യക്തമാക്കിയിരിക്കുന്നത്. എന്നാൽ കമ്പനി ഇതിന്റെ കൃത്യമായ വിവരങ്ങൾ ഇതുവരെ വെളിപ്പെടുത്തിയിട്ടില്ല.
ഡ്രൈവർ സൈഡ് എയർബാഗ് മൊഡ്യൂൾ അസംബ്ലിയിൽ പ്രശ്നമുണ്ടായതിനാലാണ് തിരിച്ചുവിളിക്കൽ ആരംഭിച്ചതെന്ന് ടൊയോട്ട ഇന്ത്യ പ്രസ്താവനയിൽ അറിയിച്ചു. പ്രശ്നബാധിത വാഹനങ്ങളുടെ ഉപഭോക്താക്കളെ പരിശോധനയ്ക്കായി ഡീലർഷിപ്പുകളുമായി ബന്ധപ്പെടുകയും ഭാഗം സൗജന്യമായി മാറ്റിസ്ഥാപിക്കുകയും ചെയ്യും.
സംശയമുള്ള ഉപഭോക്താക്കൾക്ക് അടുത്തുള്ള ഡീലറുമായി ബന്ധപ്പെടാം അല്ലെങ്കിൽ 1800 425 0001 എന്ന നമ്പറിൽ ഉപഭോക്തൃ സഹായ കേന്ദ്രത്തിൽ വിളിക്കാനും സാധിക്കും. സബ്-ഫോർ മീറ്റർ എസ്യുവിയുടെ എല്ലാ വകഭേദങ്ങളിലും ഡ്യുവൽ എയർബാഗുകൾ സ്റ്റാൻഡേർഡായി സജ്ജീകരിച്ചിട്ടുണ്ട്.
മാരുതി സുസുക്കി വിറ്റാര ബ്രെസയുടെ പുനർനിർനിത പതിപ്പാണ് ടൊയോട്ട അർബൻ ക്രൂയിസർ. അടിസ്ഥാനപരമായി ഒരേ കാറാണെങ്കിലും ബ്രെസയെ ഈ പ്രശ്നം ബാധിച്ചതായി ഇതുവരെ റിപ്പോർട്ടുകളൊന്നുമില്ല.
MOST READ: മെര്സിഡീസ് മോഡലുകളോട് സാമ്യം; മഹീന്ദ്ര 2021 XUV500 ഇന്റീരിയര് ചിത്രങ്ങള് പുറത്ത്
മിനി ഫോർച്യൂണർ ലുക്കുമായി എത്തിയ അർബൻ ക്രൂയിസറിന് പുതുമകളിലൂടെ ഏറെ ശ്രദ്ധപിടിച്ചു പറ്റാൻ സാധിച്ചിരുന്നു. ഫോർച്യൂണറിൽ നിന്ന് പ്രചോദനം ഉൾക്കൊണ്ട് പുതിയ ഫ്രണ്ട് ഗ്രിൽ ഡിസൈൻ തന്നെയാണ് സബ് കോംപാക്ട് ക്രോസ്ഓവറിന്റെ മനോഹാരിതയും.
കാഴ്ച്ചയിലേതു പോലെ തന്നെ 1.5 ലിറ്റർ പെട്രോൾ എഞ്ചിനാണ് ടൊയോട്ട അർബൻ ക്രൂയിസറും ഉപയോഗിക്കുന്നത്. ഇത് 103 bhp കരുത്തിൽ 138 Nm torque ഉത്പാദിപ്പിക്കാൻ ശേഷിയുള്ളതാണ്.
MOST READ: പുതിയൊരു എസ്യുവിയുമായി ഫോർഡ് ഇന്ത്യയിലേക്ക്; എത്തുന്നത് ടെറിട്ടറി എന്ന മോഡൽ
അഞ്ച് സ്പീഡ് മാനുവൽ യൂണിറ്റും നാല് സ്പീഡ് ഓട്ടോമാറ്റിക് യൂണിറ്റും മോഡലിലെ ഗിയർബോക്സ് ഓപ്ഷനുകളിൽ ഉൾപ്പെടുന്നു. എസ്യുവിയുടെ ഓട്ടോമാറ്റിക്ക് വേരിയന്റ് 18.76 കിലോമീറ്റർ മൈലേജും മാനുവൽ വേരിയന്റിന് 17.03 കിലോമീറ്റർ മൈലേജുമാണ് ടൊയോട്ട വാഗ്ദാനം ചെയ്യുന്നത്.
അർബൻ ക്രൂയിസർ കോംപാക്ട് എസ്യുവിയുടെ മാനുവൽ വേരിയന്റുകൾക്ക് 8.4 ലക്ഷം മുതൽ 9.8 ലക്ഷം വരെയും ഓട്ടോമാറ്റിക് വേരിയന്റുകൾക്ക് 9.8 ലക്ഷം മുതൽ 11.3 ലക്ഷം വരെയുമാണ് എക്സ്ഷോറൂം വില.
Continue with Google