Click it and Unblock the Notifications
ഒന്നല്ല, 3 കാറുകളുടെ ടീസര് ചിത്രവുമായി Ola ഇലക്ട്രിക്; ആവേശത്തോടെ വാഹന വിപണിയും
ഇലക്ട്രിക് സ്കൂട്ടര് സെഗ്മെന്റിലേക്ക് രംഗപ്രവേശനം ചെയ്തപ്പോള് തന്നെ ഇന്ത്യന് വിപണിയില് വൈകാതെ ഇലക്ട്രിക് ഫോര് വീലര് സെഗ്മെന്റിലേക്കും പ്രവേശിക്കുമെന്ന് ഓല ഇലക്ട്രിക് വ്യക്തമാക്കിയിരുന്നു.
നിലവില് S1 എന്ന ഇലക്ട്രിക് സ്കൂട്ടര് അതിന്റെ വിഭാഗത്തില് മികച്ച മുന്നേറ്റം നടത്തിക്കൊണ്ടിരിക്കുകയാണെന്ന് വേണം പറയാന്. S1 സ്കൂട്ടറിന്റെ ഗുണനിലവാരം, വിശ്വാസ്യത, ഡെലിവറി ടൈംലൈന് പ്രശ്നങ്ങള് എന്നിവയുമായി ബന്ധപ്പെട്ട് കമ്പനി നിരവധി പരാതികള് അഭിമുഖീകരിക്കുന്നുണ്ടെങ്കിലും, വരാനിരിക്കുന്ന ഇലക്ട്രിക് കാറിന്റെ വികസന പ്രവര്ത്തനങ്ങള് പൂര്ണ്ണമായി പുരോഗമിക്കുന്നതായി കമ്പനി വ്യക്തമാക്കുകയാണ് ഇപ്പോള്.
തമിഴ്നാട്ടിലെ കൃഷ്ണഗിരിക്ക് സമീപം കമ്പനിയുടെ വരാനിരിക്കുന്ന പ്ലാന്റിന്റെ സൈറ്റില് നടന്ന 'ഓല കസ്റ്റമര് ഡേ' പരിപാടിയുടെ ഭാഗമായി, ഇവി സ്റ്റാര്ട്ടപ്പ് അതിന്റെ വരാനിരിക്കുന്ന പ്രീമിയം ഇലക്ട്രിക് കാറുകളുടെ ടീസര് വീഡിയോ പുറത്തിറക്കി.
MOST READ: പുത്തൻ ഫോർച്യൂണർ മുതൽ പാലിസേഡ് വരെ; ഇന്ത്യയിൽ വരാനിരിക്കുന്ന ഫുൾ- സൈസ് എസ്യുവി മോഡലുകൾ
30 സെക്കന്ഡ് ദൈര്ഘ്യമുള്ള ടീസറില് ഒന്നിലധികം ഒല ഇലക്ട്രിക് കാറുകളുടെ ടീസര് ചിത്രങ്ങളാണ് കാണിക്കുന്നത്. ഓല ഇലക്ട്രിക് പങ്കുവെച്ച ടീസര് വ്യക്തമാക്കുന്നത് ഒന്നല്ല, 3 ഇലക്ട്രിക് കാറുകളാണ് തങ്ങള് അണിയറയില് ഒരുക്കുന്നതെന്നാണ് പറഞ്ഞുവെയ്ക്കുന്നത്.
ടീസര് സൂചിപ്പിക്കുന്നത് പോലെ വരാനിരിക്കുന്ന ഒല ഇലക്ട്രിക് കാറുകളിലൊന്ന് കൂപ്പെ റൂഫ് ലൈനും ആധുനിക ഡിസൈനും ഉള്ള ലോ-സ്ലംഗ് സ്പോര്ട്ടി സെഡാനാണ്. മറ്റ് രണ്ടെണ്ണം ഒരു ഇലക്ട്രിക് എസ്യുവി / കൂപ്പെ, ഹാച്ച്ബാക്ക് ആകാമെന്നും വ്യക്തമാണ്.
ഓല സെഡാന് അതിന്റെ ബാഹ്യ സ്റ്റൈലിംഗില് ധാരാളം എയറോഡൈനാമിക് സ്വാതന്ത്ര്യം എടുക്കുന്നുവെന്ന് വേണം പറയാന്, അല്ലാത്തപക്ഷം വളരെ താഴ്ന്ന നോസ് പോലെയുള്ള ഒരു പരമ്പരാഗത IC എഞ്ചിന് കാറില് ഇത് വെല്ലുവിളിയാകും.
വെഡ്ജ് ആകൃതിയിലുള്ള ഫ്രണ്ട് ഫാസിയ, കാറിന്റെ വീതിയില് പ്രവര്ത്തിക്കുന്ന എല്ഇഡി ലൈറ്റിംഗ് സിഗ്നേച്ചര്, സ്വൂപ്പിംഗ് റൂഫ് ലൈന്, കിയയെപ്പോലെയുള്ള പിന്ഭാഗം എന്നിവ പ്രധാന ഡിസൈന് സവിശേഷതകളില് ഉള്പ്പെടുകയും ചെയ്യുന്നു.
അതേസമയം ഇത് സംബന്ധിച്ച് കൂടുതല് വിവരങ്ങളൊന്നും ഇതുവരെ കമ്പനി പങ്കുവെച്ചിട്ടില്ല, എന്നാല് കൂടുതല് വിവരങ്ങള് ഓഗസ്റ്റ് 15-ന് വെളിപ്പെടുത്തുമെന്ന് ഓല ഇലക്ട്രിക് സിഇഒ ഭവിഷ് അഗര്വാള് പറഞ്ഞു.
നിലവിലെ XUV700, ഥാര്, XUV300 രൂപകല്പ്പന ചെയ്ത മുന് മഹീന്ദ്ര ഡിസൈനര് രാംകൃപ അനന്തനെ ഓല തങ്ങളുടെ ഇലക്ട്രിക് കാര് ഡിസൈനറായി നിയമിച്ചതായി റിപ്പോര്ട്ടുകള് ഉണ്ടായിരുന്നു.
MOST READ: കാര് അപകടത്തിന് ശേഷം എന്തുചെയ്യണം; ഘട്ടംഘട്ടമായി ചെയ്യേണ്ടത് ഇതെല്ലാം
പാസഞ്ചര് കാര് സെഗ്മെന്റിലേക്കുള്ള ഓല ഇലക്ട്രിക്കിന്റെ സംരംഭം ഏകദേശം 2 വര്ഷത്തിനുള്ളില് പ്രതീക്ഷിക്കാമെന്നും റിപ്പോര്ട്ടില് പറയുന്നു. പരമ്പരാഗത ഒഇഎമ്മുമായി താരതമ്യപ്പെടുത്തുമ്പോള് ഉല്പ്പന്ന വികസന പ്രക്രിയ സാധാരണയായി ഒരു സ്റ്റാര്ട്ടപ്പ് ക്രമീകരണത്തിലാണ് ആരംഭിക്കുന്നത്.
ബാറ്ററി വിവരങ്ങള് ലഭ്യമല്ലെങ്കിലും, 60-80 kWh ശേഷിയുള്ള ഒരു ലിഥിയം-അയണ് ബാറ്ററി പായ്ക്ക് പിന്തുണയ്ക്കുന്ന മോഡലുകളായിരിക്കും ഇതെന്നാണ് റിപ്പോര്ട്ട്. ആകര്ഷകമായ താഴ്ന്ന എയറോഡൈനാമിക് കോ-എഫിഷ്യന്റും ഫ്രണ്ടല് ഏരിയയും ഉപയോഗിച്ച്, അത്തരമൊരു ബാറ്ററി പായ്ക്ക് 500 കിലോമീറ്ററിലധികം സര്ട്ടിഫൈഡ് റേഞ്ചും വാഗ്ദാനം ചെയ്തേക്കും.
0-100 kph വേഗത കൈവരിക്കുന്നതിന് 7 സെക്കന്ഡില് താഴെ മാത്രം മതിയാകും. 150 kmph ടോപ് സ്പീഡും വാഹനത്തില് പ്രതീക്ഷിക്കാം. ഈ നമ്പറുകള് അവരുടെ സെഡാന്, ഹാച്ച്ബാക്ക്, എസ്യുവി എന്നിവയ്ക്ക് സമാനമായിരിക്കാം, അല്ലെങ്കില് അവ വ്യത്യസ്തമായിരിക്കും.
ഇന്ത്യന് ഇലക്ട്രിക് വാഹന ഇടത്തിന്റെ വിവിധ സെഗ്മെന്റുകളില് പുതിയ ഓല ഇലക്ട്രിക് കാറുകള് സ്ഥാപിക്കാവുന്നതാണ്. ഓല ഹാച്ച്ബാക്ക് ഏറ്റവും താങ്ങാനാവുന്നതായിരിക്കും, അതിന് മുകളില് അവരുടെ സെഡാനും മുകളില് ഇലക്ട്രിക് എസ്യുവി ഓഫറും ആയിരിക്കും ഇടംപിടിക്കുക. ADAS ഫീച്ചറുകളുള്ള ഒരു നീണ്ട ഉപകരണ ലിസ്റ്റ് പൂര്ണ്ണമായി പ്രതീക്ഷിക്കാം.
ഇലക്ട്രിക് വാഹനങ്ങളുടെ ആവശ്യം വര്ധിച്ചുവരികയാണ്. ടാറ്റ, കിയ, മഹീന്ദ്ര, ഹ്യുണ്ടായി തുടങ്ങിയ പ്രമുഖ ഒഇഎമ്മുകള് ഇന്ത്യയില് കൂടുതല് പുതിയ ഇവികള് അവതരിപ്പിക്കാന് ഒരുങ്ങുകയാണ്.
ഓഡി, മെര്സിഡീസ്, ബിഎംഡബ്ല്യു, ജാഗ്വാര് തുടങ്ങിയ പ്രീമിയം ബ്രാന്ഡുകള് പോലും ഇവി വിപ്ലവത്തില് ചേര്ന്ന് പ്രവര്ത്തിക്കുന്നുവെന്ന് വേണം പറയാന്. ടെസ്ല തങ്ങളുടെ ഇന്ത്യയിലെ ലോഞ്ച് പ്ലാനുകള് നിര്ത്തിവെച്ചതായി റിപ്പോര്ട്ട് ചെയ്യപ്പെട്ടതോടെ, ഓല ഇലക്ട്രിക് കാറുകള്ക്ക് അനുകൂലമായി കാര്യങ്ങള് പ്രവര്ത്തിക്കുമെന്നാണ് റിപ്പോര്ട്ടുകള് പറയുന്നത്.
Continue with Google