പുതുക്കിയ F-150 പിക്കപ്പ് ട്രക്ക് വിപണിയിൽ എത്തിക്കാനൊരുങ്ങി ഫോർഡ്

അമേരിക്കൻ ഐക്യനാടുകളിൽ ഏറ്റവും കൂടുതൽ വിറ്റഴിക്കപ്പെടുന്ന വാഹന ലൈനിന്റെ ഭാഗമായ പുതിയ F-150, വാർഷിക വരുമാനത്തിൽ 50 ബില്യൺ ഡോളറോളം നേടുന്നു. ഫോർഡിന്റെ വാർഷിക ലാഭത്തിന്റെ ഗണ്യമായ ഒരുപങ്ക് ഈ മോഡൽ വഹിക്കുന്നു.

ടെസ്‌ലയും, ജനറൽ മോട്ടോർസും ഓവർ-ദി-എയർ സോഫ്റ്റ്‌വെയര്‍ അപ്‌ഗ്രേഡുകളിലും ഹൈ-സ്പീഡ് ഇൻ-വെഹിക്കിൾ ഡാറ്റാ നെറ്റ്‌വർക്കുകളിലും വേഗത്തിൽ മുന്നേറുമ്പോൾ, പുതിയ F-150 അത്തരം സാങ്കേതികവിദ്യയെ മുഖ്യധാരയിലേക്ക് കൊണ്ടുവരും.

MOST READ: മാഗ്‌നൈറ്റ് എസ്‌യുവിക്കായി ഇനിയും കാത്തിരിക്കണം, അവതരണം ജനുവരിയിലേക്ക് മാറ്റി നിസാൻ

ഈ വർഷാവസാനം ലോഞ്ച് ചെയ്യുമെന്ന് പ്രതീക്ഷിക്കുന്ന പുതിയ ട്രക്ക്, അഞ്ച് ബില്യൺ ഡോളർ വാറന്റി ചെലവ് കുറയ്ക്കാനും, വാഹന കണക്റ്റിവിറ്റിയിലേക്ക് ഫോർഡിന്റെ മുന്നേറ്റം വേഗത്തിലാക്കാനും യുഎസ് വാഹന നിർമാതാക്കളുടെ ഇതിനകം തന്നെ ശക്തമായ സ്ഥാനത്ത് എത്തിക്കാനുമുള്ള ചീഫ് ഓപ്പറേറ്റിംഗ് ഓഫീസർ ജിം ഫാർലിയുടെ പദ്ധതിയുടെ നിർണായക ഘടകമാണ് F-150.

കൊറോണ വൈറസ് മഹാമാരി കാരണം ഉണ്ടായിസാമ്പത്തിക ഞെരുക്കത്തിൽ നിന്ന് രക്ഷനേടാൻ ഫോർഡ് 20 ബില്യൺ ഡോളറിലധികം വായ്പയെടുത്തു. പുതിയ F-150 -ൽ നിന്നുള്ള ലാഭം ആ പണം തിരികെ നൽകുന്നതിനുള്ള പ്രധാന ഘടകമായിരിക്കും.

MOST READ: മടങ്ങി വരവില്ല; ക്യാപ്ച്ചറിന്റെ വില്‍പ്പന അവസാനിപ്പിച്ച് റെനോ

പുതിയ ട്രക്കിന്റെ വിൽപ്പന ആധിപത്യം കണക്കിലെടുക്കുമ്പോൾ ഫോർഡ് ബാഹ്യ രൂപകൽപ്പനയിൽ വലിയ റിസ്‌ക്കുകൾ എടുക്കുന്നില്ല, പകരം ഇന്റീരിയർ മെച്ചപ്പെടുത്തുന്നതിൽ ശ്രദ്ധ കേന്ദ്രീകരിക്കുകയാണ്. ജൂൺ 25 -ന് ഫോർഡ് പുതിയ F-150 ഓൺലൈനിൽ ആദ്യം പരസ്യമായി പ്രദർശിപ്പിക്കും.

ഇത് ശരിക്കും സാങ്കേതികവിദ്യയെയും ഉൽപാദനക്ഷമതയെയും പറ്റിയാണ് എന്ന് ജൂൺ 10 -ന് നടന്ന ഡച്ച് ബാങ്ക് സമ്മേളനത്തിൽ ഫാർലി പറഞ്ഞു. ചില വിമാനങ്ങളിൽ ഫസ്റ്റ് ക്ലാസ് ക്യാബിനുകളിൽ കാണുന്നതുപോലുള്ള ലേ-ഫ്ലാറ്റ് പാസഞ്ചർ സീറ്റാണ് പുതുമോഡലിലെ ഒരു പ്രധാന സവിശേഷത.

MOST READ: പ്ലാന്റ് അണുവിമുക്തമാക്കി; പ്രവര്‍ത്തനങ്ങള്‍ ഭാഗികമായി പുനരാരംഭിച്ച് ടൊയോട്ട

ഫിയറ്റ് ക്രൈസ്‌ലർ ഓട്ടോമൊബൈൽസ് NV -യുടെ പുതിയ റാം ട്രക്കിന് സമാനമായ തരത്തിലാണ് ഫോർഡ് F-150 -യുടെ ഇന്റീരിയർ ക്രമീകരിച്ചിരിക്കുന്നത്.

റാം ട്രക്കിലെ സ്റ്റൈലിഷ് ഇന്റീരിയറിനും ഓപ്‌ഷണൽ 12 ഇഞ്ച് ഡിസ്‌പ്ലേ സ്‌ക്രീനിനും ആവേശകരമായ അവലോകനങ്ങൾ ലഭിച്ചതിനെ തുടർന്നാണ് ഫോർഡിന്റെ ഈ നീക്കം.

MOST READ: ഓണ്‍ലൈന്‍ വില്‍പ്പന ഉഷാറാക്കാന്‍ എച്ച്ഡിഎഫ്സിയെ കൂടെ കൂട്ടി ഹ്യുണ്ടായി

F-150 -യുടെ പുതിയ ഇലക്ട്രിക്കൽ ആർക്കിടെക്ചർ, വാഹനത്തെ നിയന്ത്രിക്കുന്ന പ്രധാന മൊഡ്യൂളുകളിലേക്ക് ഓവർ-ദി-എയർ അപ്‌ഡേറ്റുകൾ നൽകാൻ ഫോർഡിനെ അനുവദിക്കുകയും ഡീലർഷിപ്പിലേക്കുള്ള യാത്രകൾ ഒഴിവാക്കുകയും ചെയ്യും.

പുതിയ ട്രക്കിന്റെ കണക്റ്റിവിറ്റി വാണിജ്യ ഉപഭോക്താക്കളിലേക്കുള്ള വിൽപ്പന വർധിപ്പിക്കാനും വാറന്റി ചെലവ് കുറയ്ക്കാനും ഫോർഡിനെ സഹായിക്കുമെന്ന് ഫാർലി നിക്ഷേപകരോട് വ്യക്തമാക്കി.

F-സീരീസ് ട്രക്ക് 1948 മുതൽ വിപണിയിൽ എത്തുന്നവയാണ്. F-150 എന്ന മോഡൽ 1975 -ലാണ് അരങ്ങേറിയത്. നിലവിലെ പതിപ്പിന്റെ വിൽ‌പന, പ്രായം വകവയ്ക്കാതെ ശക്തമായി തുടരുകയാണ്.

കൂടാതെ പുതിയ മോഡലിന് ഈ വിഭാഗത്തിൽ സ്ഥാനം നിലനിർത്താനോ സഹായിക്കാനാകുമെന്ന് മിഷിഗൺ ആസ്ഥാനമായുള്ള കൺസൾട്ടിംഗ് സ്ഥാപനമായ മൺറോ ആൻഡ് അസോസിയേറ്റ്സിന്റെ ചീഫ് എക്സിക്യൂട്ടീവ് സാൻഡി മൺറോ പറഞ്ഞു.