ആരെയും ആകർഷിക്കുന്ന മിനുക്കിയ രൂപം, പുത്തൻ ട്യൂസോണിന്റെ ടീസർ ചിത്രം കാണാം

പുതിയ ട്യൂസോണിന് കാര്യമായ ഡിസൈൻ മാറ്റങ്ങൾ ലഭിച്ചുവെന്ന് ഈ ടീസർ ചിത്രങ്ങളിലൂടെ വ്യക്തമാണ്. ഒറ്റ നോട്ടത്തിൽ ആരെയും ആകർഷിക്കുന്ന മിനുക്കിയ രൂപമാണ് ഹ്യുണ്ടായി തങ്ങളുടെ ഫ്ലാഗ്ഷിപ്പ് മോഡലിന് സമ്മാനിച്ചിരിക്കുന്നത്.

അതിൽ ട്രപസോയിഡൽ മൂലകങ്ങളുടെ ഒരു വലിയ കാസ്കേഡിംഗ് ഗ്രില്ലിലേക്കാണ് ആദ്യം നമ്മുടെ കണ്ണെത്തുക. ഗ്രില്ലിൽ തന്നെയാണ് വാഹനത്തിന്റെ ഡേ ടൈം റണ്ണിംഗ് ലൈറ്റുകൾ ഇടംപിടിച്ചിരിക്കുന്നതും. എന്നാൽ 2021 ട്യൂസോണിന്റെ ഹെഡ്‌ലൈറ്റ് ടീസറിൽ വ്യക്തമായി കാണാനാകില്ല.

MOST READ: 40,000 യൂണിറ്റ് നിർമ്മാണം എന്ന നാഴികകല്ല് പിന്നിട്ട് ബെന്റ്ലി ഫ്ലൈയിംഗ് സ്പർ

പക്ഷേ ഹെഡ്‌ലാമ്പ് യൂണിറ്റുകൾ ഫ്രണ്ട് ഫാസിയയുടെ കോണുകളിലെ ഓപ്പണിംഗുകളിൽ സ്ഥിതിചെയ്യുന്നുവെന്ന് വ്യക്തമാകുന്നു. ഇനി വശങ്ങളിലേക്ക് നോക്കിയാൽ മേൽക്കൂരയ്‌ക്കൊപ്പം പ്രവർത്തിക്കുകയും ഒരു സവിശേഷ സി-പില്ലർ ആകൃതി ഉണ്ടാക്കുകയും ചെയ്യുന്ന ഒരു ക്രോം സ്ട്രിപ്പും എസ്‌യുവിക്ക് മികച്ചൊരു രൂപം തന്നെയാണ് സമ്മാനിക്കുന്നത്.

അതോടൊപ്പം പിൻവശവുമായി ലയിപ്പിക്കുന്നതിന് നീളത്തിൽ പ്രവർത്തിക്കുന്ന ശക്തമായ ബെൽറ്റ്ലൈനും ഉണ്ട്. 19 ഇഞ്ച് വീലുകളാണ് എസ്‌യുവിയിൽ ഒരുക്കിയിരിക്കുന്നത്. റിമ്മിന് ചുറ്റുമുള്ള സ്‌പോക്കുകളും ചങ്കി സെക്ഷനുകളും ഉപയോഗിച്ച് അസമമായ രൂപകൽപ്പനയും അത് അവതരിപ്പിക്കുന്നു.

MOST READ: ബര്‍ഗ്മന്‍ സ്ട്രീറ്റ് 125 -ന് പുതിയ കളര്‍ ഓപ്ഷന്‍ അവതരിപ്പിച്ച് സുസുക്കി

എസ്‌യുവിയിൽ ഷാർക്ക് ഫിൻ ആന്റിന, ബോഡി കളറിലുള്ള റൂഫ്-റെയിൽ, ഫ്ലോട്ടിംഗ് റൂഫ്‌ലൈൻ എന്നിവയുമുണ്ട്. പിൻവശത്ത് വീതിയിൽ പ്രവർത്തിപ്പിക്കുന്ന ചുവന്ന എൽഇഡി ലൈറ്റും മനോഹരമാണ്. ഈ എൽഇഡി യൂണിറ്റ് രണ്ട് ടെയിൽ ലാമ്പുകളെയും ബന്ധിപ്പിക്കുന്നു. ട്യൂസോണിലെ ടെയിൽ-ലൈറ്റ് ക്രെറ്റയുടെ ടെയിൽ ലാമ്പിന്റെ വികാസം പ്രാപിച്ച പതിപ്പ് പോലെ കാണപ്പെടുന്നു.

പിൻ വിൻഡോ വൈപ്പറും ടീസർ ചിത്രത്തിൽ ദൃശ്യമല്ല. ഇത് ക്ലീനർ ഡിസൈൻ സൃഷ്ടിക്കുന്നതിന് ഹ്യുണ്ടായി ഡിസൈനർമാർ വൈപ്പറിന്റെ പ്ലെയ്‌സ്‌മെന്റിൽ മാറ്റം വരുത്തിയെന്ന സൂചനയാണ് നൽകുന്നത്. ലോവർ ബമ്പറിൽ സിൽവർ സ്‌കിഡ് പ്ലേറ്റ്, സ്റ്റോപ്പ് ലാമ്പുകൾ, ഫോക്സ് എയർ വെന്റുകൾ എന്നിവ ഉൾക്കൊള്ളുന്നു. എൽഇഡികൾ പോലെ കാണപ്പെടുന്ന ഇന്റഗ്രേറ്റഡ് ബ്രേക്ക് ലൈറ്റുകളുള്ള മേൽക്കൂര സ്‌പോയ്‌ലറും ഏറെ ശ്രദ്ധേയമാണ്.

MOST READ: 2021 Q2 ഫെയ്‌സ്‌ലിഫ്റ്റ് അവതരിപ്പിച്ച് ഔഡി

ചൈന, അമേരിക്ക, ഇന്ത്യ തുടങ്ങിയ വിപണികൾക്കായി 2021 ഹ്യുണ്ടായി ട്യൂസോണിന് ഒരു ലോംഗ് വീൽബേസ് പതിപ്പും ലഭിക്കും. സ്റ്റാൻഡേർഡ് പതിപ്പ് യൂറോപ്യൻ വിപണികളിലും മിഡിൽ ഈസ്റ്റിലും സമാരംഭിക്കും. പുതിയ ട്യൂസോണിന്റെ ഫ്യൂച്ചറിസ്റ്റിക്, ഹൈടെക് ഇന്റീരിയറും ഹ്യുണ്ടായി പങ്കുവെച്ചിട്ടുണ്ട്. ക്യാബിന്റെ യഥാർത്ഥ ചിത്രത്തിന് പകരം രേഖാ ചിത്രമാണ് കമ്പനി പുറത്തിറക്കിയിരിക്കുന്നത്.

പുതിയ ഡിജിറ്റൽ ഇൻസ്ട്രുമെന്റ് കൺസോൾ 10.25 ഇഞ്ച് വലിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, എസി, മറ്റ് നിയന്ത്രണങ്ങൾ എന്നിവയ്ക്കുള്ള ടച്ച് പാനലുകൾ, യൂണിക് സ്റ്റൈൽ ചെയ്ത മൾട്ടി-ഫങ്ഷണൽ സ്റ്റിയറിംഗ് വീൽ, ഗിയർബോക്‌സ്, പാർക്കിംഗ് ബ്രേക്ക് എന്നിവ ഉപയോഗിക്കുന്നതിന് ഒന്നിലധികം ബട്ടണുകളുള്ള സ്റ്റൈലിഷ് സെൻട്രൽ കൺസോളും അകത്തളത്തെ സവിശേഷതകളാണ്.

MOST READ: പുതിയ മെർസിഡീസ് ബെൻസ് S-ക്ലാസ് സ്വന്തമാക്കി ബിഗ്-ബി

2021 ഹ്യുണ്ടായി ട്യൂസോണിന്റെ എഞ്ചിൻ സവിശേഷതകൾ കമ്പനി ഇതുവരെ പുറത്തുവിട്ടിട്ടില്ല. ഈ വിശദാംശങ്ങൾ 2020 സെപ്റ്റംബർ 15 ന് പ്രഖ്യാപിക്കുമെന്ന് പ്രതീക്ഷിക്കുന്നു. കൂടുതൽ വിവരങ്ങൾക്ക് ഇന്ത്യാകാർൺവ്യൂസിൽ തുടരുക.