965 കിലോമീറ്റർ ശ്രേണി; ET7 ഇലക്‌ട്രിക് സെഡാൻ അവതരിപ്പിച്ച് നിയോ

965 കിലോമീറ്ററിലധികം ശ്രേണിയും ഓട്ടോണമസ് ഡ്രൈവിംഗ് സവിശേഷതകളുമാണ് ET7 ഇവി സെഡാൻ വാഗ്ദാനം ചെയ്യുന്നത്. ചൈനീസ് ടെക് സംരംഭകനായ വില്യംസ് ലി സ്ഥാപിച്ച കമ്പനി നിലവിൽ അതിവേഗം വളരുന്ന ഇലക്‌ട്രിക് വാഹന നിർമാതാക്കളാണ് നിയോ.

ചൈനീസ് പ്രീമിയം ഇവി വിപണി ലക്ഷ്യമിട്ട് നിരവധി ഇലക്ട്രിക് എസ്‌യുവികളും ക്രോസ് ഓവറുകളുമാണ് കമ്പനി ഇപ്പോൾ വാഗ്‌ദാനം ചെയ്യുന്നത്. യൂറോപ്യൻ വിപണികളുൾപ്പെടെ ആഗോളതലത്തിൽ വികസിപ്പിക്കാനുള്ള ആഗ്രഹവും നിയോയ്ക്കുണ്ട്.

MOST READ: ഇന്ത്യയിലേക്ക് ചുവടുവെച്ച് ടെസ്‌ല; ആദ്യ ഓഫീസ് ബെംഗളൂരുവിൽ

നിലവിലെ മോഡലുകളെപ്പോലെ നിയോയുടെ പുതിയ ടെസ്‌ല മോഡൽ എസ് എതിരാളി ET7 ഇവി ഭാരം കുറഞ്ഞ സ്റ്റീൽ, അലുമിനിയം ചാസിയിലാണ് നിർമിച്ചിരിക്കുന്നത്. രണ്ട് ഇലക്ട്രിക് മോട്ടോറുകളാണ് വാഹനത്തിന് കരുത്തേകുന്നത്.

ഫ്രണ്ട് മൗണ്ട് ചെയ്ത പെർമനെന്റ് മാഗ്നറ്റ് മോട്ടോർ 244 bhp പവർ ഉത്പാദിപ്പിക്കാൻ പ്രാപ്‌തമാണ്. അതേസമയം റിയർ ആക്‌സിലിൽ ഇൻഡക്ഷൻ മോട്ടോർ 408 bhp വാഗ്ദാനം ചെയ്യുന്നു. രണ്ട് യൂണിറ്റുകളുടെയും പരമാവധി സംയോജിത ഔട്ട്പുട്ട് 653 bhp കരുത്തും 911 Nm torque ഉം ആണ്.

MOST READ: പുത്തൻ മാരുതി സ്വിഫ്റ്റ് ഫെയ്‌സ്‌ലിഫ്റ്റ് ഫെബ്രുവരിയിൽ എത്തും

ET7 സെഡാന് 0-100 കിലോമീറ്റർ വേഗത വെറും 3.9 സെക്കൻഡുകൾ കൊണ്ട് കൈവരിക്കാൻ കഴിയും. കൂടുതൽ കാര്യക്ഷമമായ ഇലക്ട്രിക് ഡ്രൈവ് സംവിധാനം, ഭാരം കുറഞ്ഞ ചാസി, 0.23 സിഡി ഡ്രാഗ് കോഫിഫിഷ്യന്റ് എന്നിവ സിലിക്കൺ കാർബൈഡ് ബാറ്ററികളിൽ നിന്ന് വാഗ്ദാനം ചെയ്യുന്ന ശ്രേണി മെച്ചപ്പെടുത്താൻ സഹായിച്ചതായി നിയോ അവകാശപ്പെടുന്നു.

മൂന്ന് ബാറ്ററി വലിപ്പങ്ങളോടെ ET7 വിപ്പനയ്ക്ക് എത്തും. അതിൽ എൻട്രി ലെവൽ 70 കിലോവാട്ട് യൂണിറ്റ് 500 കിലോമീറ്റർ ശ്രേണിയാണ് വാഗ്‌ദാനം ചെയ്യുന്നത്. 100 കിലോവാട്ട് പതിപ്പ് 700 കിലോമീറ്ററും ഏറ്റവും മികച്ച 150 കിലോവാട്ട് ബാറ്ററിക്ക് 1,000 കിലോമീറ്ററിൽ കൂടുതൽ ശ്രേണിയും നിയോ അവകാശപ്പെടുന്നു.

MOST READ: ടർബോ പെട്രോൾ കരുത്തിൽ ആൾട്രോസിനെ അവതരിപ്പിച്ച് ടാറ്റ

ചാർജ് ചെയ്യുന്ന സമയം ഒഴിവാക്കാൻ പ്രത്യേക സ്റ്റേഷനുകളിൽ ബാറ്ററി പായ്ക്കുകൾ സ്വിച്ചുചെയ്യാൻ ഡ്രൈവർമാരെ അനുവദിക്കുന്ന നിയോയുടെ ബാറ്ററി സ്വാപ്പ് സാങ്കേതികവിദ്യയാണ് മറ്റൊരു സവിശേഷത. ഓട്ടോണമസ് ഡ്രൈവിംഗ് വാഗ്ദാനം ചെയ്യുന്ന വിപുലമായ ഡ്രൈവർ സഹായ സവിശേഷതകളും ET7-ൽ ഉൾക്കൊള്ളുന്നുണ്ടെന്ന് നിയോ പറയുന്നു.

5,098 mm നീളവും 1,987 mm വീതിയും 1,505 mm ഉയരവുമുള്ള ഇലക്‌ട്രിക് സെഡാന്റെ വീൽബേസ് 3,060 mm ആണ്. നിലവിലുള്ള നിയോ മോഡലുകളെപ്പോലെ ഇന്റീരിയർ ഡാഷ്‌ബോർഡിൽ ഒരു വലിയ 12.8 ഇഞ്ച് ടച്ച്‌സ്‌ക്രീനും ഇടംപിടിച്ചിട്ടുണ്ട്. ഇത് നിയോയുടെ നോമി ഇൻ-കാർ AI സിസ്റ്റത്തിന് പ്രവർത്തിപ്പിക്കാൻ കഴിയും.