വിപണിയിൽ താരമായി പുതുതലമുറ ഹോണ്ട സിറ്റി; ഫെബ്രുവരിയിൽ കൈവരിച്ചത് 101 ശതമാനം വളർച്ച

കോംപാക്ട്, മിഡ്-സൈസ് എസ്‌യുവികളുടെ ജനപ്രീതിയെ തുടർന്ന് വിവിധ സെഗ്‌മെന്റുകളിലുടനീളം സെഡാനുകളുടെ ജനപ്രീതി കുറയുന്നുണ്ടെങ്കിലും, ഹോണ്ട തങ്ങളുടെ സെഡാൻ മോഡലുകളെ ആശ്രയിക്കുന്നത് മാറിയിട്ടില്ല, മാത്രമല്ല ഇവ രണ്ടും കഴിഞ്ഞ മാസത്തെ പ്രധാന വിൽപ്പന വോള്യങ്ങൾക്ക് കാരണമായി.

2021 ഫെബ്രുവരിയിൽ ജാപ്പനീസ് നിർമ്മാതാക്കൾ ഓവറോൾ മാനുഫാക്ചർ പട്ടികയിൽ ഫോർഡ്, എം‌ജി, നിസാൻ, ഫോക്‌സ്‌വാഗൺ, FCA, സ്‌കോഡ എന്നിവയെ പിന്നിലാക്കി എട്ടാം സ്ഥാനത്തെത്തി.

MOST READ: വിപണി തിരികെപിടിച്ച് സ്കോർപിയോ; ഫെബ്രുവരിയിലെ വിൽപ്പനയിൽ 134.68 ശതമാനത്തിന്റെ ഉയർച്ച

2020 -ൽ ഇതേ കാലയളവിലെ 7,269 യൂണിറ്റിൽ നിന്ന് വിൽപ്പന 9,324 യൂണിറ്റായി ഉയർന്നു. മൂന്ന് ശതമാനം വിപണി വിഹിതം നേടിക്കൊണ്ട് വാർഷികാടിസ്ഥാനത്തിൽ 28.3 ശതമാനം വളർച്ച ബ്രാൻഡ് നേടി.

അമേസ്, ബ്രാൻഡിന്റെ ആഭ്യന്തര ശ്രേണിയിലെ വിൽപ്പന പട്ടികയിൽ ഒന്നാമതെത്തി. 2021 ഫെബ്രുവരിയിൽ 2,524 യൂണിറ്റുകളുമായി സിറ്റി രണ്ടാം സ്ഥാനത്താണ്.

MOST READ: പിന്നിൽ സ്പെയർ വീലില്ല, ഇക്കോസ്പോർട്ടിന്റെ പുതിയ SE വേരിയന്റ് പുറത്തിറക്കി ഫോർഡ്; വില 10.49 ലക്ഷം മുതൽ

2020 -ൽ ഇതേ കാലയളവിലെ 1,256 യൂണിറ്റുകളെ അപേക്ഷിച്ച് സെഡാൻ 101 ശതമാനം വളർച്ച നേടി. എന്നാൽ കഴിഞ്ഞ മാസം 2021 ജനുവരിയിൽ 3,667 യൂണിറ്റുമായി താരതമ്യപ്പെടുത്തുമ്പോൾ C-സെഗ്മെന്റ് സെഡാൻ പ്രതിമാസ കണക്കിൽ 31 ശതമാനം വിൽപ്പന ഇടിവാണ് രേഖപ്പെടുത്തി.

സിവിക് അതിന്റെ വിഭാഗത്തിൽ മുന്നിട്ടുനിന്നപ്പോൾ, ബ്രാൻഡ് തങ്ങളുടെ ഗ്രേറ്റർ നോയിഡ പ്ലാന്റിലെ പ്രവർത്തനം നിർത്തിയതിനാൽ മോഡൽ നിർത്തേണ്ടിവന്നു.

MOST READ: ഇന്ത്യയിലെ ആദ്യത്തെ ഹൈഡ്രജൻ കാറാകാൻ നെക്സോ, ഫ്യുവൽ സെൽ വാഹനത്തിനായുള്ള ടൈപ്പ് അംഗീകാരം നേടി ഹ്യുണ്ടായി

കഴിഞ്ഞ കലണ്ടർ വർഷത്തിൽ ജാപ്പനീസ് നിർമ്മാതാക്കളുടെ ഏറ്റവും പ്രധാനപ്പെട്ട ലോഞ്ച് പുതിയ തലമുറ സിറ്റിയായിരുന്നു, മിഡ്-സൈസ് സെഡാൻ വിഭാഗത്തെ മൊത്തത്തിൽ പുനരുജ്ജീവിപ്പിക്കാൻ ശ്രമിച്ച ഒരു നീക്കമായിരുന്നു ഇത്.

അഞ്ചാം തലമുറ ഹോണ്ട സിറ്റി 2020 ജൂലൈയിൽ ഇന്ത്യൻ വിപണിയിൽ പ്രവേശിച്ചു, ഇത് മിഡ്-സൈസ് സെഡാൻ വിഭാഗത്തെ മൊത്തത്തിൽ വീണ്ടെടുക്കാൻ സഹായിച്ചു.

MOST READ: ഇ-ട്രോൺ, ഇ-ട്രോൺ സ്‌പോർട്‌ബാക്ക് ഇന്ത്യയിലേക്ക്; അവതരണം ഈ വർഷം പകുതിയോടെ

പുതിയ സവിശേഷതകളും സാങ്കേതികവിദ്യകളും ചേർക്കുന്നതിനൊപ്പം ബ്രാൻഡിന്റെ കാലങ്ങളായി നിലകൊള്ളുന്ന നെയിംപ്ലേറ്റിന് പുനർ‌രൂപകൽപ്പന ചെയ്ത എക്സ്റ്റീരിയറും ഇന്റീരിയറും ലഭിച്ചു. വിലയുടെ കാര്യത്തിലും വാഹനം കൂടുതൽ പ്രീമിയമായി.

1.5 ലിറ്റർ i-VTEC പെട്രോൾ 1.5 ലിറ്റർ i-DTEC ഡീസൽ എഞ്ചിനുകൾ വാഹനത്തിൽ തുടരുന്നു. ഹോണ്ട കണക്റ്റ്, ആപ്പിൾ കാർപ്ലേ, ആൻഡ്രോയിഡ് ഓട്ടോ കോംപാറ്റിബിളിറ്റിയുള്ള ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, 7.0 ഇഞ്ച് HD ഫുൾ-കളർ TFT ഡിസ്പ്ലേ, വെഹിക്കിൾ സ്റ്റെബിലിറ്റി അസിസ്റ്റ്, അലക്സാ സപ്പോർട്ട് തുടങ്ങിയവയാണ് ഹോണ്ട സിറ്റിയിൽ വാഗ്ദാനം ചെയ്യുന്ന പ്രധാന സവിശേഷതകൾ.