കന്നഡ നടൻ ശിവരാജ് കുമാർ മകൾക്കു നൽകിയ സമ്മാനം

By Santheep

Published: Monday, August 31, 2015, 17:07 [IST]

കന്നഡയിലെ ശിവരാജ് കുമാർ ഹാട്രിക് ഹീറോ എന്നാണ് അറിയപ്പെടുന്നത്. ഇദ്ദേഹം വേറെ ഒരു ലെവലാണ്. മരണമാസ്സ് പടങ്ങളിൽ മാത്രമേ അഭിനയിക്കാറുള്ളൂ. നമ്മുടെ നാട്ടിലെ മമ്മൂട്ടി, മോഹൻലാൽ തുടങ്ങിയവരുടെ മാസ്സ് പടങ്ങളോട് ശിവരാജ് കുമാർ പടങ്ങളെ താരതമ്യം ചെയ്യാവുന്നതാണ്.

ശിവരാജ് കുമാറിന്റെ മകൾ ഡോ. നിരുപമയുടെ കല്യാണം ഇക്കഴിഞ്ഞ ദിവസമായിരുന്നു. മകൾക്കും വരനും ഒരു കിടിലൻ സമ്മാനമാണ് ശിവരാജ് കുമാർ കാത്തു വെച്ചിരുന്നത്. അതെക്കുറിച്ച് താഴെ വായിക്കാം.

ഒരു ബിഎംഡബ്ല്യു 3 സീരീസ് സെഡാനാണ് നിരുപമയ്ക്ക് അച്ഛൻ ശിവരാജ് കുമാർ നൽകിയത്.

പെട്രോൾ, ഡീസൽ പതിപ്പുകളിൽ ഈ വാഹനം വിപണിയിലെത്തുന്നുണ്ട്. ഏത് മോഡലാണ് ശിവരാജ് കുമാർ വാങ്ങി നൽകിയതെന്ന് വ്യക്തമല്ല.

3 സീരീസിന്റെ ആകെ നാല് വേരിയന്റുകൾ ഇന്ത്യൻ വിപണിയിൽ ലഭിക്കും. ഇവയിൽ മൂന്നെണ്ണം ഡീസൽ മോഡലും ഒരെണ്ണം പെട്രോൾ മോഡലുമാണ്.

ഡീസൽ വേരിയന്റുകളും വിലകളും

ബിഎംഡബ്ല്യു 3 സീരീസ് 320ഡി - 33,65,000
ബിഎംഡബ്ല്യു 3 സീരീസ് 320ഡി സ്പോർട് ലൈൻ - 38,90,000
ബിഎംഡബ്ല്യു 3 സീരീസ് 320ഡി ലക്ഷ്വറി ലൈൻ - 38,90,000

പെട്രോൾ വേരിയന്റ്

3 സീരീസിന്റെ ഒരു പെട്രോൾ വേരിയന്റ് മാത്രമേ ഇന്ത്യയിൽ ലഭിക്കുന്നുള്ളൂ. 328ഐ സ്പോർട്‌ലൈൻ എന്ന ഈ വേരിയന്റിന് 42,50,000 രൂപയാണ് എക്സ്ഷോറൂം നിരക്ക്.

പെട്രോൾ പതിപ്പ് നൽകുന്ന മൈലേജ് ലിറ്ററിന് 14.79 കിലോമീറ്ററാണ്. ഡീസൽ പതിപ്പ് ലിറ്ററിന് 18.88 കിലോമീറ്റർ മൈലേജ് നൽകുന്നു.

ഡീസൽ എൻജിൻ

2 ലിറ്റർ ശേഷിയുള്ള ഡീസൽ എൻജിനാണ് 3 സീരീസ് മോഡലിലുള്ളത്. 184 കുതിരശക്തി ഉൽപാദിപ്പിക്കാൻ ഈ എൻജിന് സാധിക്കുന്നു. 380 എൻഎം ആണ് ടോർക്ക്. 8 സ്പീഡ് ഓട്ടോമാറ്റിക് ഗിയർബോക്സ് എൻജിനോടൊപ്പം ചേർത്തിരിക്കുന്നു.