നാലാം തലമുറയിലേക്ക് ഔട്ട്ലാൻഡർ; അരങ്ങേറ്റം ഫെബ്രുവരി 16-ന് ആമസോൺ ലൈവിലൂടെ

ആഗോള അരങ്ങേറ്റത്തിനായി മിത്സുബിഷി ഔട്ട്‌ലാൻഡറിന്റെ ആദ്യ യൂണിറ്റ് വഹിക്കുന്ന ഒരു വലിയ ബോക്സാണ് ടീസറിലൂടെ കാണിക്കുന്നത്. എസ്‌യുവി അമേരിക്കയിലേക്ക് കയറ്റുമതി ചെയ്‌ത മോഡൽ 2021 ഫെബ്രുവരി 17-നായിരിക്കും അവിടെ അനാച്ഛാദനം ചെയ്യുക.

പുതിയ ഔട്ട്ലാൻഡറിന്റെ ആഗോള അരങ്ങേറ്റത്തിന്റെ ആതിഥേയത്വം വഹിക്കാൻ മിത്സുബിഷിയുടെ നോർത്ത് അമേരിക്കൻ ഡിവിഷൻ ആമസോണുമായി ഔദ്യോഗികമായി പങ്കാളിത്തം പ്രഖ്യാപിക്കുകയും ചെയ്‌തിട്ടുണ്ട്.

MOST READ: വില കുറയും; ZS ഇലക്ട്രിക്കിനായുള്ള പ്രാദേശിക ബാറ്ററി നിർമാണം ആരംഭിക്കുമെന്ന് എംജി

ഇതോടെ 2022 മിത്സുബിഷി ഔട്ട്‌ലാൻഡർ ആമസോൺ ലൈവിലൂടെ പുറത്തിറക്കുന്ന ആദ്യത്തെ വാഹനമായി മാറുമെന്ന പ്രത്യേകതയും പരിപാടിക്കുണ്ട്. 2020 ഡിസംബറിൽ എസ്‌യുവിയുടെ ടീസർ ചിത്രങ്ങൾ കമ്പനി പുറത്തിറക്കിയിരുന്നു.

പുതിയ ആവർത്തനത്തിലേക്ക് ചുവടുവെച്ച എസ്‌യുവി രൂപകൽപ്പന ചെയ്‌ത് വികസിപ്പിച്ചെടുത്തത് ജാപ്പനീസ് പദമായ "ഐ-ഫു-ഡോ-ഡോ" എന്ന ആദർശത്തിലാണ്. ഇത് ആധികാരികതയെയും ഗാംഭീര്യത്തെയും സൂചിപ്പിക്കുന്നു. 2022 മിത്സുബിഷി ഔട്ട്‌ലാൻഡർ ഏംഗൽ‌ബെർഗ് ടൂറർ ആശയത്തിൽ നിന്ന് പ്രചോദനം ഉൾക്കൊള്ളുമെന്ന് ടീസറും സ്പൈ ചിത്രങ്ങളും സ്ഥിരീകരിക്കുന്നു.

MOST READ: 2021 FZ FI, FZS FI എന്നിവ ആഭ്യന്തര വിപണിയിൽ പുറത്തിറക്കി യമഹ

എസ്‌യുവി ബ്രാൻഡിന്റെ പുതിയ ഫ്രണ്ട് ഗ്രില്ലും പുതുക്കിയ ഹെഡ്‌ലാമ്പുകളും അവതരിപ്പിക്കും. പക്ഷേ എക്ലിപ്സ് ക്രോസിൽ ഇതിനകം കണ്ട ഡബിൾ ഒപ്റ്റിക്കൽ അസംബ്ലി സ്കീം ഇത് നിലനിർത്തും. കൂടാതെ വാഹനത്തിന് റാപ്റൗണ്ട് വിൻഡ്‌സ്ക്രീൻ ഡിസൈനും ഗ്ലോസി ബ്ലാക്ക് ഡി-പില്ലറും ലഭിക്കുന്നതും ശ്രദ്ധേയമാകും.

ഇത് ഫ്ലോട്ടിംഗ് മേൽക്കൂര ഡിസൈൻ പുത്തൻ ഔട്ട്ലാൻഡറിന് നൽകും. സ്ട്രൈക്കിംഗ് ആരോ ആകൃതിയിലുള്ള ലൈറ്റ് ഗൈഡുകളുള്ള സ്ലിം എൽ ആകൃതിയിലുള്ള ടെയിൽ ലൈറ്റുകളും കമ്പനി കാറിൽ അവതരിപ്പിക്കും.

MOST READ: ക്രെറ്റയുടെ പ്രാരംഭ പതിപ്പിനെ തിരിച്ചെത്തിച്ച് ഹ്യുണ്ടായി; കാത്തിരിപ്പ് കാലയളവ് 1 വര്‍ഷം

2022 മിത്സുബിഷി ഔട്ട്‌ലാൻഡർ റെനോ-നിസാൻ സഖ്യത്തിന്റെ CMF-C/D പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും എന്നതും ശ്രദ്ധേയമാണ്. ഇത് എക്സ്-ട്രയലിന് അടിവരയിടുന്ന അതേ വാസ്തുവിദ്യയാണ്. ഇത് നിസാന്റെ എഞ്ചിനും പങ്കിടും. പുതിയ മോഡലിന്റെ വികസന ചെലവ് ലാഭിക്കാൻ ഇത് മിത്സുബിഷിയെ ഏറെ സഹായിക്കും.

പുതിയ തലമുറ മോഡൽ വലിപ്പത്തിൽ മുൻഗാമിയേക്കാൾ വിശാലമായിരിക്കുമെന്നാണ് റിപ്പോർട്ടുകൾ. ഇടത്തരം എസ്‌യുവി വിപണിയിലെ ഏറ്റവും വലിയ മോഡലായി മിത്സുബിഷിയെ ബ്രാൻഡ് സ്ഥാപിക്കും. പരിഷ്ക്കരണത്തിൽ നിരവധി ഹൈ-എൻഡ് കംഫർട്ട്, സൗകര്യ സവിശേഷതകളും ജാപ്പനീസ് ബ്രാൻഡ് ലോഡ് ചെയ്യും.

MOST READ: ഫോര്‍ഡിന്റെ വില്‍പ്പന വീണ്ടും ഇടിഞ്ഞു; ജനുവരി മാസത്തെ വില്‍പ്പന കണക്കുകള്‍ ഇതാ

പുതിയ ഔട്ട്‌ലാൻഡറിന് കരുത്ത് പകരുന്നത് 2.5 ലിറ്റർ, 4 സിലിണ്ടർ ടർബോചാർജ്ഡ് പെട്രോൾ എഞ്ചിനാണ്. ഓരോ ആക്‌സിലിലും ഒരു ഇലക്ട്രിക് മോട്ടോർ, 20 കിലോവാട്ട് വലിയ ലിഥിയം അയൺ ബാറ്ററി എന്നിവ ഉൾക്കൊള്ളുന്ന PHEV സാങ്കേതികവിദ്യയും എസ്‌യുവിയ്ക്ക് ലഭിക്കും.

പൂർണ ഇലക്ട്രിക് മോഡിൽ എസ്‌യുവിക്ക് 70 കിലോമീറ്റർ വരെ ശ്രേണി നൽകാൻ കഴിയുമെന്നാണ് കമ്പനിയുടെ വാഗ്‌ദാനം. റാലിയിൽ നിന്ന് ലഭിച്ച സൂപ്പർ ഓൾ-വീൽ കൺട്രോൾ (S-AWC) സാങ്കേതികവിദ്യയുടെ അപ്‌ഡേറ്റ് ചെയ്ത പതിപ്പും ഇത്തവണ ഔട്ട്ലാൻഡറിന് ലഭിക്കും.