ടാറ്റ നെക്സോൺ, ടിഗോർ ഇവികൾക്ക് 3.02 ലക്ഷം രൂപ ആനുകൂല്യങ്ങളുമായി ഡൽഹി സർക്കാർ

രാജ്യത്ത് ഇലക്ട്രിക് വാഹനങ്ങൾ കൂടുതൽ പ്രോത്സാഹിപ്പിക്കുന്നതിനായി ഡൽഹി മുഖ്യമന്ത്രി അരവിന്ദ് കെജ്‌രിവാൾ ‘സ്വിച്ച് ഡൽഹി' ക്യാമ്പയിനും ഇപ്പോൾ പ്രഖ്യാപിച്ചിരിക്കുകയാണ്.

അരവിന്ദ് കെജ്‌രിവാൾ രാജ്യത്ത് നിരവധി ഇലക്ട്രിക് വാഹനങ്ങൾക്ക് ആനുകൂല്യങ്ങൾ പ്രഖ്യാപിച്ചു. ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന ഇലക്ട്രിക് കാറായ ടാറ്റ നെക്സോൺ ഇവിയാണ് അത്തരത്തിൽ ആനുകൂല്യങ്ങൾ ലഭിക്കുന്ന ഒരു വാഹനം.

MOST READ: സ്ക്രാപ്പിംഗ് നയത്തിൽ നിന്ന് നിങ്ങളുടെ പ്രിയപ്പെട്ട പഴയ കാറിനെ എങ്ങനെ രക്ഷിക്കാം?

നിലവിലെ കണക്കനുസരിച്ച്, 13.99 ലക്ഷം രൂപ, 15.40 ലക്ഷം രൂപ, 16.40 ലക്ഷം രൂപ എക്സ്-ഷോറൂം വിലയുള്ള XM, XZ+, XZ+ ലക്സ് എന്നീ മൂന്ന് വേരിയന്റുകളിൽ ടാറ്റ നെക്സോൺ ഇവി വാഗ്ദാനം ചെയ്യുന്നു.

ടാറ്റ നെക്സോൺ ഇവിയുടെ ഓൺ-റോഡ് വില XM വേരിയന്റിന് 16.16 ലക്ഷം രൂപയും XZ+ വേരിയന്റുകൾക്ക് 17.59 ലക്ഷം രൂപയുമാണ്; ഇവ രണ്ടും ഇപ്പോൾ ന്യൂഡൽഹിയിൽ പ്രത്യേക ആനുകൂല്യങ്ങളുമായി വാഗ്ദാനം ചെയ്യുന്നു.

MOST READ: ജീപ്പ് കോമ്പസിന് എതിരാളി; 2021 ടിഗുവാന്‍ പരീക്ഷണയോട്ടം ആരംഭിച്ച് ഫോക്‌സ്‌വാഗണ്‍

രണ്ട് വേരിയന്റുകളിലും 1,50,000 രൂപ പർച്ചേസ് ഇനസന്റീവ് ഡൽഹി സർക്കാർ വാഗ്ദാനം ചെയ്യുന്നു. കൂടാതെ, ഉപഭോക്താക്കൾക്ക് റോഡ് ടാക്സ്, രജിസ്ട്രേഷൻ ഫീസ് എന്നിവ നൽകുന്നതിൽ നിന്നും ഒഴിവാക്കിയിരിക്കുന്നു. കൂടാതെ കാറിന് പൊല്യൂഷൻ സർട്ടിഫിക്കറ്റും ആവശ്യമില്ല.

റോഡ് ടാക്സ്, രജിസ്ട്രേഷൻ ഫീസ് ഇളവുകൾ XM ട്രിമിൽ 1,40,500 രൂപയും XZ+ വേരിയന്റിൽ 1,49,900 രൂപയും വരെയാണ് എന്നത് ശ്രദ്ധിക്കണം. അതിനാൽ ടാറ്റ നെക്സോൺ ഇവിയ്‌ക്കൊപ്പം ഡൽഹി സർക്കാർ ഇപ്പോൾ ആകെമൊത്തം മൂന്ന് ലക്ഷം രൂപ കിഴിവ് വാഗ്ദാനം ചെയ്യുന്നു.

MOST READ: എതിരാളികളോട് മുട്ടിനിൽക്കാനാവാതെ വിറ്റാര ബ്രെസ; വിൽപ്പന കുറയുന്നതായി കണക്കുകൾ

ഉപഭോക്താക്കളുടെ ബാങ്ക് അക്കൗണ്ടിലേക്കാവും ഈ ഇനസന്റീവ് ലഭിക്കുക. നെക്‌സണിനൊപ്പം ഡൽഹി സർക്കാർ ടിഗോർ ഇവിയിൽ 2.86 ലക്ഷം ആനുകൂല്യങ്ങൾ വാഗ്ദാനം ചെയ്യുന്നു.

അടുത്ത ആറ് ആഴ്ചയ്ക്കുള്ളിൽ വിവിധ ആവശ്യങ്ങൾക്കായി ഇലക്ട്രിക് വാഹനങ്ങൾ മാത്രമേ സർക്കാർ നിയമിക്കുകയുള്ളൂവെന്ന് മുഖ്യമന്ത്രി കെജ്‌രിവാൾ വ്യക്തമാക്കി.

MOST READ: ഐക്യൂബിനെ ഡല്‍ഹിയിലും വില്‍പ്പനയ്ക്ക് എത്തിച്ച് ടിവിഎസ്; എതിരാളി ബജാജ് ചേതക് ഇലക്ട്രിക്

ഇലക്ട്രിക് വാഹനങ്ങൾ പ്രോത്സാഹിപ്പിക്കാൻ ഡെലിവറി ശൃംഖലകളും വൻകിട കമ്പനികളും റസിഡന്റ് വെൽഫെയർ അസോസിയേഷനുകളും മാർക്കറ്റ് അസോസിയേഷനുകളും മാളുകളും സിനിമാ ഹാളുകളും അവരുടെ പരിസരത്ത് ചാർജിംഗ് സ്റ്റേഷനുകൾ സ്ഥാപിക്കാൻ മുഖ്യമന്ത്രി ആവശ്യപ്പെട്ടു.