2016 ടൊയോട്ട ഇന്നോവയുടെ പുതിയ ചിത്രങ്ങൾ

By Santheep

Published: Wednesday, November 11, 2015, 11:24 [IST]

പുതിയ ടൊയോട്ട ഇന്നോവയുടെ ചിത്രങ്ങൾ വെളിപ്പെട്ടു. ഇന്തോനീഷ്യയിൽ നടപ്പുമാസം തന്നെ ലോഞ്ച് ചെയ്യാനിരിക്കുന്ന മോഡലാണിത്. ഇന്ത്യയിലേക്കും താമസിയാതെ ഈ മോഡലെത്തും.

സിറ്റിക്കും വെർണയ്ക്കുമെതിരെ ടൊയോട്ട വിയോസ് 2018ൽ

ഇന്നോവയുടെ മുൻ-പിൻ വശങ്ങളും ഒരു ഇന്റീരിയർ ചെയ്തവുമാണ് പുതിയതായി വെളിപ്പെട്ടിരിക്കുന്നത്.

പുതിയ ഇന്നോവയിൽ വലിയ ഡിസൈൻ മാറ്റങ്ങൾ കാണാവുന്നതാണ്. ഫ്രണ്ട് ഗ്രില്ലിൽത്തന്നെ ഈ മാറ്റം കാണാം. ഗ്രിൽ എയർഡാമുമായി കൂടിച്ചേർന്ന നിലയിലാണുള്ളത്. ഗ്രില്ലിനോട് ചേർന്നാണ് ഹെഡ്‌ലാമ്പുകൾ നിൽ‌ക്കുന്നത്.

ഡീസൽ, പെട്രോൾ എൻജിനുകൾ ഘടിപ്പിച്ച് ഇന്നോവ വിപണിയിലെത്തും. 2.4 ലിറ്ററിന്റെ ഡീസൽ എൻജിനും 2.0 ലിറ്ററിന്റെ പെട്രോൾ എൻജിനാണ് ഈ വാഹനത്തിനുള്ളത്. 147 കുതിരശക്തി ഉൽപാദിപ്പിക്കുന്നു 2.4 ലിറ്റർ എൻജിൻ. 137 കുതിരശക്തിയാണ് പെട്രോൾ എൻജിൻ ഉൽപാദിപ്പിക്കുന്നത്.

ഇന്തോനീഷ്യൻ ബ്രോഷറിൽ എൽഇഡി ഹെഡ്‌ലാമ്പ് കാണുന്നുണ്ട്. ടെയ്ൽ ലാമ്പും എൽഇഡിയാണ്. കീലെസ്സ് എൻട്രി, പുഷ് ബട്ടൺ സ്റ്റാർട്ട്, എല്ലാ പതിപ്പുകളിലും ഡ്രൈവർ-പാസഞ്ചർ എയർബാഗുകൾ, ഉയർന്ന പതിപ്പിൽ 7 എയർബാഗ് തുടങ്ങിയ സന്നാഹങ്ങളുമുണ്ട്.

നിലവിൽ ഫോർച്യൂണറിലുപയോഗിക്കുന്നതിന് സമാനമായ ഡാഷ്ബോർഡാണ് ഇന്നോവയ്ക്കുള്ളത്.

പുതിയൊരു 7 ഇഞ്ച് ഇൻ‌ഫോടെയ്ൻമെന്റ് സിസ്റ്റമാണ് ഇന്നോവയിലുണ്ടാവുക. ബ്ലൂടൂത്ത്, ഓക്സ്, എഡി കാർഡ്, വോയ്സ് റെക്കഗ്നിഷൻ, കൂൾ‌ഡ് ഗ്ലോവ്ബോക്സ്, ക്ലൈമറ്റ് കൺട്രോൾ തുടങ്ങിയ സംവിധാനങ്ങൾ ചേർത്തിരിക്കുന്നു.