ഇന്ത്യയിൽ ഏറ്റവുമധികം തിരിച്ചുവിളിച്ച 10 കാറുകൾ!

10. നിസ്സാൻ സണ്ണി

നിസ്സാൻ വലിയ ആഘോഷങ്ങളോടെ അവതരിപ്പിച്ച കാറാണ് സണ്ണി സെഡാൻ. തുടക്കത്തിൽ നല്ല വിൽപന കണ്ടെത്തിയ ഈ കാർ ഇപ്പോൾ പിന്നാക്കം പോയിരിക്കുകയാണ്. 2013ൽ സണ്ണിയുടെ 15,902 യൂണിറ്റ് തിരിച്ചുവിളിക്കുകയുണ്ടായി. 2015ൽ വീണ്ടും 5500 യൂണിറ്റു കൂടി തിരിച്ചുവിളിച്ചു. ആദ്യത്തെ തിരിച്ചുവിളി ബ്രേക്ക് മാസ്റ്റർ സിലിണ്ടർ സീൽ തകരാർ പരിഹരിക്കാനും രണ്ടാമത്തേത് എയർബാഗിന്റെയും എൻജിൻ സ്വിച്ചുകളുടെയും തകരാർ പരിഹാരിക്കാനുമായിരുന്നു. ആകെ തിരിച്ചുവിളിച്ചത് 21402 യൂണിറ്റ്.

09. മഹീന്ദ്ര സ്കോർപിയോ

ഇന്ത്യയിൽ ഏറ്റവും കൂടുതൽ വിൽക്കുന്ന എസ്‌യുവികളിലൊന്നാണ് സ്കോർപിയോ. 2013ൽ ഈ കാറിന്റെ 985 യൂണിറ്റ് തിരിച്ചുവിളിച്ചു. 2014ൽ 23,519 യൂണിറ്റാണ് തിരിച്ചുവിളിച്ചത്. പ്രഷർ റെഗുലേറ്റിങ് വാൽവിന് തകരാർ സംഭവിച്ചതാണ് തിരിച്ചുവിളിക്ക് കാരണമായത്.

08. ഫോഡ് ഫിയസ്റ്റ ക്ലാസ്സിക്

2013ലായിരുന്നു ഫിയസ്റ്റ ക്ലാസ്സിക് മോഡലിന്റെ തിരിച്ചുവിളി. ആകെ 25,871 യൂണിറ്റ് തിരിച്ചുവിളിക്കപ്പെട്ടു.

07. ഫോഡ് ഇക്കോസ്പോർട്

ചെറു എസ്‌യുവി വിപണിയിലെ സ്റ്റൈലൻ വാഹനമായ ഇക്കോസ്പോർടിനും തിരിച്ചുവിളി നേരിടേണ്ടതായി വന്നു. 2013ൽ വാഹനം വിപണിയിലെത്തിയതിനു തൊട്ടു പിന്നാലെയാണ് തിരിച്ചുവിളിയുണ്ടായത്. ഗ്ലോ പ്ലഗ്ഗിന് തകരാർ സംഭവിച്ചതായിരുന്നു പ്രശ്നം. 2014ൽ 20,700 യൂണിറ്റ് തിരിച്ചുവിളിച്ചു. ഫ്യുവൽ ലൈനിലുണ്ടായ തകരാർ പരിഹരിക്കാനായിരുന്നു ഇത്. 2015ൽ 16,500 യൂണിറ്റാണ് സസ്പെൻഷൻ തകരാർ മൂലം തിരിച്ചുവിളിക്കപ്പെട്ടത്. ആകെ 38,224 യൂണിറ്റ് തിരിച്ചുവിളിച്ചു.

06. ടൊയോട്ട ഇന്നോവ

ഇന്ത്യയിലെ ഏറ്റവുമധികം വിൽപനയുള്ള എംപിവി മോഡലാണ് ഇന്നോവ. സ്റ്റീയറിങ് വീലിന് സംഭവിച്ച തകരാർ‌ മൂലം ഈ വാഹനത്തിന്റെ 44,989 യൂണിറ്റ് തിരിച്ചുവിളിക്കപ്പെട്ടു 2014ൽ.

05. മാരുതി സ്വിഫ്റ്റ് ഡിസൈർ

2013ൽ സ്റ്റീയറിങ് കോളത്തിലുണ്ടായ തകരാർ പരിഹരിക്കാൻ 581 യൂണിറ്റ് ഡിസൈർ മോഡൽ തിരിച്ചുവിളിക്കപ്പെട്ടു. 2014ൽ 42,481 യൂണിറ്റ് തിരിച്ചുവിളിച്ചത് ഫ്യുവൽ ഫില്ലർ നെക്കിലുള്ള തകരാർ പരിഹരിക്കുന്നതിനായിരുന്നു. 2014ൽത്തന്നെ സമാനമായ പ്രശ്നം മൂലം വീണ്ടുമൊരു 12,486 യൂണിറ്റിന്റെ തിരിച്ചുവിളിയുണ്ടായി. ആകെ 55,548 യൂണിറ്റ് തിരിച്ചുവിളിച്ചു.

04. മഹീന്ദ്ര എക്സ്‌യുവി500

2013ൽ 24,695 യൂണിറ്റിന്റെ തിരിച്ചുവിളിയാണ് ആദ്യമുണ്ടായത്. ഓയിൽ ലീക്കായിരുന്നു പ്രശ്നം. സൈഡ് കർട്ടൻ എയർബാഗുകളുടെ പ്രവർത്തനത്തിലുള്ള തകരാർ മൂലം സോഫ്റ്റ്‌വെയർ അപ്ഡേറ്റ് ചെയ്യാൻ 2015ൽ വേറൊരു തിരിച്ചുവിളിയും നടത്തി. 60,000 യൂണിറ്റായിരുന്നു തിരിച്ചുവിളി. മൊത്തം 84,695 കാറുകൾ തിരിച്ചുവിളിച്ചു.

03. ഷെവർലെ ടവേര

ലോകത്തെമ്പാടും വലിയ ചർച്ചാവിഷയമായ തിരിച്ചുവിളിയായിരുന്നു ഷെവർലെ ടവേരയുടേത്. ആകെ 1,14,000 യൂണിറ്റാണ് തിരിച്ചുവിളിക്കപ്പെട്ടത്. എമിഷൻ പ്രശ്നങ്ങളാണ് തിരിച്ചുവിളിക്ക് കാരണമായത്.

02. ഫോഡ് ഫിഗോ

1,40,000ത്തിലധികം യൂണിറ്റ് ഫിഗോ ഹാച്ച്ബാക്കുകൾ തിരിച്ചുവിളിക്കുകയുണ്ടായി. 2012ലാണ് ആദ്യത്തെ തിരിച്ചുവിളി നടന്നത്. 2013ൽ രണ്ടാമത്തെയും മൂന്നാമത്തെയും തിരിച്ചുവിളികൾ നടന്നു. സസ്പെൻഷനിൽ സംഭവിച്ച ചില തകരാറുകളായിരുന്നു ആദ്യത്തെ തിരിച്ചുവിളികൾക്ക് കാരണമായത്. അവസാനത്തെ തിരിച്ചുവിളി പവർ സ്റ്റീയറിങ് ഹോസിന്റെ തകരാറാണ് കാരണമായത്.

01. ഹോണ്ട സിറ്റി

ഹോണ്ട ഇന്ത്യയിൽ ഏറ്റവും കൂടുതൽ വിറ്റഴിക്കുന്ന മോഡലായ സിറ്റിയും തിരിച്ചുവിളി നേരിട്ടു. ഹോണ്ട ആദ്യം നടത്തിയ തിരിച്ചുവിളിയിൽ 42,672 യൂണിറ്റ് ഉൾപെട്ടു. ഡ്രൈവർ സൈഡിലുള്ള പവർ വിൻഡോയുടെ പ്രശ്നം പരിഹരിക്കാനായിരുന്നു ഇത്. എയർബാഗ് പ്രശ്നം പരിഹരിക്കാൻ 2015ൽ 1,43,154 യൂണിറ്റാണ് തിരിച്ചുവിളിച്ചത്. ആകെ 1,89,705 യൂണിറ്റ് തിരിച്ചുവിളിച്ചു.

കൂടുതൽ

ഇന്ത്യയിൽ ഏറ്റവുമധികം വിൽക്കുന്ന 10 യൂട്ടിലിറ്റി കാറുകൾ

ഇന്ന് ഇന്ത്യയിലുള്ള 10 അലമ്പ് കാർ ഡിസൈനുകൾ

ഇന്ത്യയിൽ മോശം വിൽപനയുള്ള 10 കാറുകൾ

റോഡ് ട്രിപ്പ് പോകാന്‍ പറ്റിയ 10 ഇന്ത്യന്‍ പാതകള്‍

ഇന്ത്യയില്‍ വന്‍ സാധ്യതയുള്ള 10 ബ്രാന്‍ഡുകള്‍